بەرگریی شارستانیی هەولێر ئاماری چوار ساڵی رووداوەکانی بڵاوکردەوە

وێستگەنیوز- شاهین فوئاد

بەڕێوەبەرایەتیی بەرگرێی شارستانیی هەولێر ئاماری چوار ساڵی سنووری پارێزگای هەولێری بڵاوکردەوە، بەپێی ئامارەکە بێت، لە ئەمساڵدا 31 حاڵەتی خنکان هەبووە.

موقەدەم شاخەوان سەعید ساڵح، وتەبێژی بەرگریی شارستانیی هەولێر رایگەیاند، "لە ئەمساڵدا لە سنووری هەولێر 31 حاڵەتی خنکان هەبووە، بە هەمان شێوە لە ساڵی 2023، 31 حاڵەتی خنکان هەبووە، هەروەها لە ساڵی 2022، 21 حاڵەت و لە 2021، 33 حاڵەتی خنکان هەبووە، کە کۆگشتی هەر چوار ساڵەکە دەکاتە 116 رووداوی خنکان".

ئاماژەی بەوەشکرد، "لە ساڵی 2024 حاڵەتەکانی رزگارکردن 57 حاڵەت بووە، لە ساڵی 2023، 83 حاڵەت بووە، لە ساڵی 2023، 115 حاڵەت و لە ساڵی 2021، 116 حاڵەت بووە".

وتەبێژی بەرگریی شارستانیی هەرێم ئەوەشی وت، "لە ساڵی 2024 ئەو کەسانەی بەهۆی رووداوەکانەوە مردوون 26 کەس بووە و 100 کەسیش برینداربوون، هەروەها لە ساڵی 2023، 18 گیانلەدەستدان و 102 بریندار هەبووە، لە ساڵی 2022ش 38 گیانلەدەستدان و 169 بریندار هەبوون، لە ساڵی 2021یش 26 کەس گیانیان لەدەستداوە و 106 کەسی دیکەش برینداربوون".

ئەوەشی خستەڕوو، "لە ساڵی 2024 لە هەولێر 293 ئۆتۆمبێل سووتاون، لە ساڵی 2023، 328 ئۆتۆمبێل سووتاون، هەروەها لە ساڵی 2022، 308 ئۆتۆمبێل و لە ساڵی 2021، 289 ئۆتۆمبێل سوتاون".

AM:10:18:22/12/2024

ئه‌م بابه‌ته 2092 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت