له‌كاتی پێشبڕكێیه‌كی ئۆتۆمبێلدا له هه‌ولێر زیاتر له 15 كه‌س بریندار بوون
وێستگه‌نیوز-
له‌كاتی به‌ڕێوه‌چوونی پێشبڕكێیه‌كی ئۆتۆمبێلدا له شاری هه‌ولێر شوێنی هانده‌ران تێكشكا و به‌هۆیه‌وه زیاتر له 15 كه‌س بریندار بوون.
به‌ڕێوه‌به‌رایه‌تی به‌رگری شارستانی پارێزگای هه‌ولێر له راگه‌یه‌ندراوێكدا ئاماژه‌ی به‌وه‌دا كه "یه‌كێتی ئۆتۆمبێل و ماتۆڕسكیلی هه‌ولێر ئه‌مڕۆ هه‌ینی پێشبركێیه‌كی بۆ چه‌ندین ئۆتۆمبێل ساز كرد له شه‌قامی سه‌ره‌كی هه‌شتی حه‌سارۆك".
به‌رگری شارستانی ده‌ڵێت: "به‌هۆی تێكشانی شوێنی هانده‌رانه‌وه زیاتر له پانزه هاوڵاتی زامدار بوون".
ئه‌وه‌شی خسته‌ڕوو كه "تیمی ڕزگاركردنی به‌ڕێوه‌به‌رایه‌تی به‌رگری شارستانی هه‌ولێر كه له سه‌ره‌تای پێشبڕكێكه جێگیر كرابوون و ه شێوه‌یه‌كی خێرا فریاگوزاری سه‌ره‌تاییان بۆ برینداره‌كان كرد و گیانی چه‌ندین هاوڵاتیان له مردن ڕزگاركرد".
به‌پێی زانیارییه‌كان هیچ ئۆتۆمبێلێك تووشی رووداو نه‌بووه و تێكشكانی شوێنی هانده‌رانیش به‌هۆی پێداكێشانی ئۆتۆمبێله‌وه نه‌بووه.
PM:02:13:20/12/2024
ئه‌م بابه‌ته 2360
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت