کۆڵبەرێکی کورد دوای سێ رۆژ مانەوە لە نەخۆشخانە گیانی لەدەستدا
وێستگەنیوز-
رێکخراوی مافی مرۆڤی هەنگاو رایدەگەیەنێت، کۆڵبەرێکی کورد لە دوای سێ ڕۆژ مانەوە لە نەخۆشخانەیەکی کرماشان، ئەمڕۆ بەهۆی سەختی برینەکەیەوە گیانی لەدەستدا.
بەپێی هەواڵێکی رێکخراوی مافی مرۆڤی هەنگاو، ئەمڕۆ هەینی 13ی کانونی یەکەمی 2024 کۆڵبەرێکی کورد بە ناوی مەسعەب سەبزەواری خەڵکی گوندی قشڵاخی لە سنووری ڕوانسەری سەر بە شاری کرماشان لە دوای سێ ڕۆژ مانەوە لە نەخۆشخانەی تاڵقانی کرماشان گیانی لەدەستدا.
ئاماژە بەوەشکراوە، مەسعەب سەبزەواری ڕۆژی چوارشەممەی rابردوو لە سنووری نەوسوود بە تەقەی ڕاستەوخۆی هێزە چەکدارەکانی ئێرانەوە سەر و چاوی بە سەختی بریندار کرا و دواتر لە نەخۆشخانە خەوێندرا بە مەبەستی وەرگرتنی چارەسەر، بەڵام ئەمڕۆ گیانی لەدەستدا.
PM:11:32:13/12/2024
ئه‌م بابه‌ته 760
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت