سلێمانی... له‌نێوان چه‌ند گه‌نجێكدا شه‌ڕه‌چه‌قۆ روویدا و كوژراو و بریندار هه‌ن
وێستگه‌نیوز-
له ناوچه‌ی دۆڵه‌میرانی شاری سلێمانی له‌نێوان چه‌ند گه‌نجێكدا شه‌ڕه‌چه‌قۆ روویدا و به‌هۆیه‌وه كه‌سێك گیانی له‌ده‌ست دا و كه‌سێكیش برینداربوو.
سه‌رچاوه‌یه‌ك له پۆلیسی سلێمانی رایگه‌یاند كه ئه‌مشه‌و به‌هۆی شه‌ڕه چه‌قۆی نێوان پێنج كه‌سه‌وه، كه‌سێك گیانی له‌ده‌ست دا و كه‌سێكی دیكه‌ش برینداربوو.
سه‌رچاوه‌كه ده‌ڵێت: "شه‌ڕه‌كه له‌نێوان دوو گرووپدا بووه له دۆڵه‌میران لەنێوان بەرزاییەکانی ئەزمەڕو گۆیژە".
وتیشی: "كوژراوه‌كه‌ش ته‌مه‌نی 28ساڵه و ئێستا ته‌رمه‌كه‌ی له په‌یمانگای پزیشكی دادی سلێمانی-یه".
سه‌رچاوه‌كه راشیگه‌یاند كه "برینداره‌كه بۆ چاره‌سه‌ر ره‌وانه‌ی نه‌خۆشخانه كراوه"، ئاماژه‌شی به‌وه‌دا كه هێزه‌كانی پۆلیس لێكۆڵینه‌وه‌یان له رووداوه‌كه ده‌ست پێكردووه.
PM:11:33:12/12/2024
ئه‌م بابه‌ته 5452
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت