یاد ره‌فیق كه‌سی دیاری خۆپیشاندانه‌كانی 17ی شوبات ده‌ستگیركرا

‌

وێستگه‌نیوز-
له‌سه‌ر سكاڵای پاسه‌وانێكی‌ به‌رپرسێكی بزوتنه‌وه‌ی گۆڕان - كوردسات، یاد ره‌فیق كه‌سی دیاری خۆپیشاندانه‌كانی 17ی شوباتی 2011 ی شاری سلێمانی، ده‌ستگیركرا.

سه‌رچاوه‌یه‌كی ئاگادار به‌وێستگه‌نیوزی وت كه‌ "یاد ڕه‌فیق ئه‌مڕۆ له‌سه‌ر سكاڵای چۆمان پاسه‌وانی دلێر عه‌بدولخالق ده‌ستگیركرا".
چه‌ند ڕۆژێك پێش داخستنی گردی زه‌رگه‌ته‌ واته‌ پێش 28 ی سێپتێمبه‌ری 2024 یاده‌ی ره‌فیق ڕێگری له‌م چۆمان ناوه‌ ده‌كات كه‌ شوێنێكی تایبه‌تی چیا نه‌وشیروان بۆ چا خواردنه‌وه‌ به‌كاربێنێت و به‌زۆر ده‌ریكردووه‌ و شه‌ڕیش له‌نێوانیان ڕویداوه‌.

سه‌رچاوه‌كه‌ وتی: "ئه‌و شه‌ڕه‌ كاتی خۆی كۆتایی هات و نیمچه‌ ئاشتبوونه‌وه‌یه‌كیش ڕویدا، به‌ڵام دواتر به‌هاندانی چه‌ند به‌رپرسێك كێشه‌كه‌ی بردۆته‌ دادگاو سكاڵا ی له‌سه‌ر یاد ره‌فیق تۆماركردووه‌".

یاد ره‌فیق به‌رپرسی ئه‌منییه‌تی پاراستنی خۆپیشاندانه‌كانی به‌رده‌ركی سه‌رای شاری سلێمانی به‌تایبه‌تی ئاگاداری سه‌ر شانۆی ووتاره‌كان بوو، پۆسته‌كه‌ فه‌ڕمی نه‌بوو له‌لایه‌ن بزوتنه‌وه‌ی گۆڕانه‌وه‌ ئه‌و كاره‌ی پێسپێردرابوو.

PM:03:11:10/12/2024