تورکیا داواکارە لە زووترین کاتدا حکومەتی هەرێمی کوردستان پێکبهێندرێت
وێستگەنیوز_
ئه‌مڕۆ پێنجشەممە 5ـی 12ـی 2024، مەسرور بارزانى، سه‌رۆكى حکومەتی هه‌رێمى كوردستان، پێشوای لە ئانل بۆرا ئينان، باڵيۆزى توركيا له عێراق کرد.
بە گوێرەی راگەیەندراوی فەرمانگەی میدیا و زانیاری حکومەتی هەرێمی کوردستان، لە کۆبوونەوەدا ئەرمان تۆپچو، کونسولی گشتیی تورکیا لە هەرێمی کوردستان ئامادەی بووە و تێیدا، گفتوگۆ لەبارەی پەرەپێدانی پەیوەندیی دوولایەنە و دوایین پێشهات و گۆڕانکارییەکانی دۆخی گشتیی عێراق و ناوچەکە کرا.
ئاماژە بەوەشکراوە، "باڵیۆزی تورکیا پیرۆزبایی سەرکەوتنی هەڵبژاردن و ئەنجامدانی یەکەم دانیشتنی خولی شەشەمی پەرلەمانی کوردستانی کرد و هەردوولا هاوڕا بوون لەسەر گرنگیی و پێویستيی پێکهێنانی کابینەی نوێی حکومەتی هەرێمی کوردستان لە زووترین کاتدا."
هەروەها راگەیەندراوەکە دەڵێت: شەڕ و ئاڵۆزییەکانی سووریا و پێویستيی پاراستنی ئاسایش و ئارامیی ناوچەکە، تەوەرێکی دیکەی گفتوگۆکان بووە.
PM:02:07:05/12/2024
ئه‌م بابه‌ته 532
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت