له هه‌ولێر ده‌رمانخانه‌یه‌ك بازرگانی به ده‌رمانی هۆشبه‌ر كردووه
وێستگه‌نیوز-
به‌ڕێوه‌به‌رایه‌تی ئاسایشی هه‌ولێر داخستنی ده‌رمانخانه‌یه‌كی راگه‌یاند و هۆكاره‌كه‌ی گه‌ڕانده‌وه بۆ ئه‌وه‌ی كه "بازرگانی به ده‌رمانی هۆشبه‌ر كردووه".
ئاسایشی هه‌ولێر له راگه‌یه‌ندراوێكدا ده‌ڵێت: "دوای ئه‌نجامدانی به‌دواداچوون له لایه‌ن تیمه‌كانمانه‌وه به‌هه‌ماهه‌نگی له‌گه‌ڵ لیژنه‌ی كوالێتی كۆنترۆڵی ده‌رمان له وه‌زاره‌تی ته‌ندروستی، به‌فه‌رمانی دادوه‌ری لێكۆڵینه‌وه‌ی ئاسایش ده‌رمانخانه‌یه‌كمان داخست و دوو تۆمه‌تبارمان ده‌ستگیر كرد به‌ناوه‌كانی (أ. م. ب.) كه یاریده‌ده‌ری پزیشكی ده‌رمانخانه‌یه و تۆمه‌تبار (أ. ع. أ.)".
ئاماژه‌ی به‌وه‌داوه كه "تۆمه‌تبارانی ناوهاتوو هه‌ڵساون به بازرگانیكردن به‌ده‌رمانی هۆشبه‌ر و كارتێكه‌ره هۆشیه‌كان به‌بێ پسوڵه‌ی پزیشك و دوور له ڕێنمایه پزیشكیه‌كان و فرۆشتن و پێدانی به كه‌سانی ئالوده‌ی مادده‌ی هۆشبه‌ر".
ئاسایش راشیگه‌یاندووه كه "له كاتی پشكنین بۆ ده‌رمانخانه‌كه ده‌ركه‌وت ژماره‌یه‌كی زۆر ده‌رمانی قاچاخ و رێگه‌پێنه‌دراوی ته‌ندروستی له ده‌رمانخانه‌كه‌ی هه‌یه و ده‌ستی به‌سه‌ردا گیراو پاشان رێوشوێنی یاسایی دژی ده‌گیرێته‌به‌ر".
PM:09:18:04/12/2024
ئه‌م بابه‌ته 2936
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت