مەسرور بارزانی: بەرەنگاربوونەوەی مادە هۆشبەرەکان گرنگترین پرسە لەلای حکومەت
وێستگەنیوز-
ئەمڕۆ سێشەممە 26ی تشرینی دووەمی 2024 مەسرور بارزانی، سەرۆک وەزیرانی هەرێمی کوردستان بەردی بناغەی سەنتەری هۆشیاری و شیاندنەوەی ئالودەبووانی مادەی هۆشبەری لە شاری هەولێر دانا.
لە میانەی مەراسیمەکەدا مەسرور بارزانی رایگەیاند، "بەرەنگاربوونەوەی مادە هۆشبەرەکان گرنگترین پرسە لەلای حکومەتی هەرێمی کوردستان، بۆیە بە شێوەیەکی زۆر بەرفراوان و هەمەلایانە کار لەسەر رووبەڕووبوونەوەی ئەم کێشەیە دەکات".
ئاماژەی بەوەشکرد، "مادەی هۆشبەر گەنجەکان و سەرمایەی مرۆییمان لاواز دەکات، بۆیە کار لەسەر قەڵاچۆکردنی مادە هۆشبەرەکان دەکەین".
مەسرور بارزانی جەختیشی لەوەکردەوە، رێگە لە تەشەنەکردنی هەڕەشەی مادە هۆشبەرەکان دەگرن، هەروەها وتی، "پێویستە بە توندترین شێوە سزای بازرگانانی مادەی هۆشبەر بدرێت".
AM:10:11:26/11/2024
ئه‌م بابه‌ته 168
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت