وەزیری پلاندانانی عێراق: هیچ پێشلكارییەك لە پرۆسەی سەرژمێریدا تۆمارنەکراوە
وێستگەنیوز_
وەزیری پلاندانانی عێراق رایگەیاند: بەڕێوەچوونی سەرژمێری بە ئەلیكترۆنی هەنگاوێكی زۆر گرنگە و لەكاتێكی گونجاودا ئەنجامەكان بەردەست دەخرێن.
محەممەد تەمیمی، وەزیری پلاندانانی عێراق لە كۆبوونەوەی لەگەڵ نێردەی نەتەوەیەكگرتووەكان ڕایگەیاندووە، تا ئێستا هیچ پێشلكارییەك تۆمار نەكراوە کە كاریگەریی لەسەر بەڕێوەچوونی سەرژمێریی هەبووبێت.
هاوكات ئاماژەی بەوە كردووە، تۆماركردنی داتاكان بە وردی لە سەرژمێریی كاریگەری ئەرێنی دەبێت بۆ پلانی گەشەپێدان و پێشكەشكردنی خزمەتگوزاری بۆ گەیشتن بە گەشەپێدانی ئابووری بەشێوەیەكی دروست.
AM:09:34:21/11/2024
ئه‌م بابه‌ته 296
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت