گه‌ر ئه‌مڕۆ و سبه‌ینێ كارمه‌ندانی سه‌رژمێری سه‌ردانیان نه‌كردن، پێویسته چی بكرێت؟
وێستگه نیوز-
سبه‌ینێ قۆناغی یه‌كه‌می سه‌رژمێری له هه‌رێمی كوردستان و عێراق كۆتایی دێت كه تۆماركردنی ناوی خێزانه‌كانه. سه‌رۆكی كه‌رتی راگه‌یاندنی سه‌رژمێری له هه‌رێمی كوردستان ده‌ڵێت، هه‌ركه‌س بژمێر سه‌ردانی نه‌كرد، په‌یوه‌ندی به ژماره 567ـه‌وه بكات.
كارزان ره‌زا، سه‌رۆكی كه‌رتی راگه‌یاندنی سه‌رژمێری له هه‌رێمی كوردستان له لێدوانێكدا ده‌ڵێت: "سبه‌ینێ دوایین رۆژی تۆماركردنی ناوی ئه‌ندامانی خێزانه‌كانه؛ پێویسته تاوه‌كو كاژێر 12:00ـی شه‌و، هه‌موو كه‌سێك تۆمار كرابێت".
وتیشی: "ئه‌و كه‌سانه‌ی به هه‌ر هۆكارێك بێت، بژمێره‌كان سه‌ردانیان نه‌كردن، راسته‌وخۆ په‌یوه‌ندی به هێڵی گه‌رمی 567 بكه‌ن له رێگه‌ی هه‌ردوو هێڵه‌كانی ئاسیاسێڵ و كۆڕه‌ك تیلیكۆمه‌وه".
سبه‌ینێ دوایین رۆژی تۆماری ئه‌ندامانی خێزانه و قه‌ده‌غه‌ی هاتووچۆش كۆتایی دێت. له هه‌یینییه‌وه قۆناغی دووه‌می سه‌رژمێری ده‌ستپێده‌كات كه فۆڕمێكه و زیاتر له 70 پرسیاری تێدایه.
PM:11:06:20/11/2024
ئه‌م بابه‌ته 2444
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت