قوباد تاڵه‌بانی بۆ ئه‌ندامانی فراكسیۆنه‌كانی یه‌كێتی و بابلیون: به‌بێ هیچ جیاوازییه‌ك خزمه‌تی كه‌ركوك بكه‌ن
وێستگه‌نیوز-
له‌میانی كۆبوونه‌وه‌ی له‌گه‌ڵ ئه‌ندامانی فراكسیۆنه‌كانی یه‌كێتی و بابلیون له ئه‌نجومه‌نی پارێزگای كه‌ركوك؛ قوباد تاڵه‌بانی داوایلێكردن به‌بێ هیچ جیاوازییه‌ك خزمه‌تی كه‌ركوك بكه‌ن.
قوباد تاڵه‌بانی له فه‌یسبووك دوو وێنه‌ی بڵاوكرده‌وه و نووسیویه‌تی: "له دیدارێكدا له‌گه‌ڵ ئه‌ندامانی فراكسیۆنه‌كانی یه‌كێتی و بابلیون له‌ئه‌نجومه‌نی پارێزگای كه‌ركوك؛ داوام لێكردن له‌سه‌ر رێبازی مام جه‌لال، به هه‌موو تواناوه و به‌بێ هیچ جیاوازییه‌ك خزمه‌تی كه‌ركوك بكه‌ن".
ده‌شڵێت: "ده‌بێت فراكسیۆنه‌كانی یه‌كێتی و بابلیون زیاتر و باشتر له فراكسیۆنه‌كانی تر چاودێربن به‌سه‌ر كاره‌كانی ئیداره‌ی نوێی كه‌ركوكه‌وه".
جه‌ختیشی كرده‌وه كه "ده‌بێت به شێوه‌یه‌ك خزمه‌تی خه‌ڵكی كه‌ركوك بكه‌ن، رۆژ له دوای رۆژ زیاتر ئاستی هیوا و متمانه‌ی كه‌ركوكییه‌كان به هه‌موو پێكهاته‌كانییه‌وه به پارێزگار و فراكسیۆنه‌كانی یه‌كێتی و بابلیون به‌رزتر ببێته‌وه".
PM:06:24:20/11/2024
ئه‌م بابه‌ته 472
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت