لە هەولێر پاڵاوگەیەکی نایاسایی داخرا
وێستگەنیوز_
پۆلیسی شارەوانی لەسەر ڕاسپاردەی قایمقامییەتی قەزای ناوەندیی هەولێر، هەستان بە داخستنی پاڵاوگەیەکی نایاسایی لە هەولێر.
ئەمڕۆ سێشەممە 12ـی تشرینی دووەمی 2024، قایمقامییەتی قەزای ناوەندیی هەولێر، لەڕاگەیەندراوێکدا ئاشکرایکرد، دوای بە دواداچوون و چاودێریکردن لە لایەن قایمقامییەتی قەزای ناوەندیی هەولێر، مەفرەزەکانی پۆلیسی شارەوانی ڕاسپێدران، کە هەڵسن بە دەست بەسەرداگرتنی پاڵاوگەیەکی نایاسایی، لە گۆڕەپانی فرۆشتنی نەوت و غاز لە شاری هەولێر.
ئاماژەی بەوەشکرد، پاڵاوگەکە بە شێوەیەکی نایاسایی و شاراوە کاری دەکرد، کە زەرەر و زیانی بۆ تەندروستیی و ژینگە هەبوو.
دەشڵێت: دەست بەسەر کەلوپەلەکانی شوێنەکەدا گیرا و 5 کەسیش دەستگیر کران.
AM:12:10:13/11/2024
ئه‌م بابه‌ته 768
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت