كه‌ش و هه‌وای 48 كاتژمێری داهاتوو راگه‌یه‌ندرا
وێستگه‌نیوز-
به‌ڕێوه‌به‌رایه‌تی كه‌شناسی سه‌ر به وه‌زاره‌تی گواستنه‌وه‌ی هه‌رێم كه‌ش و هه‌وای 48 كاتژمێری داهاتووی راگه‌یاند و ئاماژه‌ی به‌وه‌دا كه ئه‌گه‌ری نمه باران له‌ناوچه شاخاویه‌كان و پله‌كانی گه‌رما به‌رزده‌بنه‌وه.
به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا كه "ئه‌مڕۆ شه‌ممه 9ی تشرینی دووه‌می 2024 ئاسمان ساماڵ ده‌بێت له‌گه‌ڵ دروستبوونی هه‌ندێ په‌ڵه هه‌ور".
كه‌شناسی ده‌ڵێت: "پله‌كانی گه‌رما نزیك ده‌بێت له تۆماركراوی دوێنێ. خێرایی با 5 – 15 كیلۆمه‌تر ده‌بێت له كاتژمێرێكدا و ئاراسته‌ی با باكووری خۆرئاوا و مه‌ودای بینین 9 - 10 كیلۆمه‌تر ده‌بێت".
ئه‌وه‌شی خسته‌ڕوو كه "سبه‌ینێ یه‌كشه‌ممه 10- 11- 2024 ئاسمان ساماڵ ده‌بێت پاشان ده‌گۆرێت بۆ نیمچه‌هه‌ور و هه‌وری ته‌واو، له كاته‌كانی شه‌ودا ئه‌گه‌ری بارینی نمه باران له ناوچه شاخاویه‌كان هه‌یه".
روونیشیكرده‌وه كه " پله‌كانی گه‌رما به‌رز ده‌بێت به ( 2 - 3 ) پله‌ی سیلیزی به به‌راورد به تۆماركراوه‌كانی ئه‌مڕۆ. خێرایی با 5 – 15 كیلۆمه‌تر ده‌بێت. ئاراسته‌ی با باشووری خۆرهه‌ڵات و مه‌ودای بینین 9 - 10 كیلۆمه‌تر ده‌بێت".
راشیگه‌یاند كه به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت:
هه‌ولێر : 26
سلێمانی : 24
دهۆك : 25
كه‌ركوك : 27
هه‌ڵه‌بجه : 25
زاخۆ :25
سۆران : 25
حاجی ئۆمه‌ران : 13
گه‌رمیان : 28
AM:10:02:09/11/2024
ئه‌م بابه‌ته 4712
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت