بوومەلەرزەیەک پارێزگای خارپێتی باکووری کوردستانی هەژاند
وێستگەنیوز_
ئێوارەی ئەمڕۆ بوومەلەرزەیەک بە گوڕی پێنج پلە، پارێزگای خارپێتی باکووری کوردستانی هەژاند بێ ئەوەی زیانی لێبکەوێتەوە.
سەرۆکایەتیی بەڕێوەبردنی کارەسات و دۆخی لەناکاو لە تورکیا ناسراو بە 'ئافاد' بڵاویکردەوە، کاتژمێر 17:04 بوومەلەرزەیەک بە گوڕی پێنج پلە بە پێوەری رێختەر، پارێزگای خارپێتی هەژاندووە.
ئاماژە بەوەشکراوە، بوومەلەرزەکە لە قووڵایی 16.22 کیلۆمەتردا روویداوە و جگەلە خارپێت لە دیاربەکریش هەستیپێکراوە.
لای خۆیەوە پارێزگای خارپێت راگەیەندراوێکی بڵاوکردەوە و تیایدا ئاماژەی بەوەکردووە، هیچ پەیوەندییەک بە هێڵە گەرمەکانی 'ئافاد' و فریاکەوتنەوە نەکراوە لەبارەی زیان و دۆخی نەرێنی و تیمەکانیان بەدواداچوون بۆ هەر پێشهاتێک دەکەن.
خارپێت، یەکێکە لەو 13 پارێزگایەی لە بوومەلەرزە بەهێزەکەی شوباتی 2023ـی مەرەشدا زیانی بەرکەوت، بوومەلەرزەکە لە باکوور و رۆژئاوای کوردستان زیانی گەورەی لێکەوتەوە و بە گوێرەی ئامارە فەرمییەکان تەنیا لە تورکیا زیاتر لە 53 هەزار و 500 کەس بەهۆیەوە گیانیان لەدەستدا.
PM:10:56:08/11/2024
ئه‌م بابه‌ته 536
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت