هۆشدارییەک لە هاتووچۆی سلێمانییەوە بۆ شۆفێران

وێستگەنیوز-

بەرێوەبەرایەتیی هاتووچۆی سلێمانی بڵاویکردەوە، سەبارەت بەو شەپۆلی بارانبارینەی کە هەرێمی کوردستان و پارێزگای سلێمانی دەگرێتەوە، وەک بەڕێوەبەرایەتی هاتووچۆی سلێمانی بە گرنگی دەزانین شۆفێرانی بەڕێز پابەندبن بەم خاڵانەی لای خوارەوە:

1- پابەندبوونی تەواو بە هێماکانی هاتووچۆ بە تایبەت هێماکانی دیاریکردنی خێرایی لەسەر شەقام و رێگەکان.

2- پێویستە گرنگییەکی زیاتر بدرێت بە ماوەی سەلامەتی لەنێوان ئوتومبیلی خۆت و ئوتومبیلەکانی بەردەمت.

3- مافی پیادەکان بدە و هاوکارییان بکە لە پەڕینەوەی شەقامەکان.

4- پێش دەستکردن بە ڕۆشتن دڵنیابکەرەوە لە ( فڵچەکان، ئاو و ڕۆن، برێک، لایت، ،تایەکان )

5- پێویستە هەر یەک لەم پارچانە لە ئوتومبیلەکەتدا هەبن ( ئاگرکوژێنەوە، سێگۆشەی فسفۆر،پێویستییەکانی فریاگوزاری سەرەتایی، جەگ، لایتی دەستی، تایەی سپێر کە پێویستە ئامادەبێت بۆ بەکارهێنان).

6- لەو شوێنانە دوور بکەوەرەوە کە کۆبوونەوەی ئاو یان لافاوی تیادا دروست دەبێت.

7- هەمیشە ئەم ژمارانەت لەبیربێت.
188 کۆنترۆڵی هاتووچۆ.
115 بەرگری شارستانی.
104 پۆلیسی فریاکەوتن.
122 فریاگوزاری تەندروستی.

PM:10:44:02/11/2024

ئه‌م بابه‌ته 8488 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت