نرخی كاره‌بای موه‌لیده ئه‌هلییه‌كان راگه‌یه‌ندرا
وێستگه‌نیوز-
نرخی ئه‌مپێری كاره‌بای مۆلیده ئه‌هلییه‌كان له شاره‌كانی دهۆك و سلێمانی و هه‌ڵه‌بجه كه‌متره له 10 هه‌زار دینار، له چه‌ند گه‌ڕه‌كێكی هه‌ولێریش زیاتر له 10 هه‌زار دیناره.
قارەمان مەولود سه‌رۆكی ئه‌نجوومه‌نی موه‌لیده ئه‌هلییه‌كانی هه‌ولێر رایگه‌یاند "كاتژمێره‌كانی كاركردنی موه‌لیده ئه‌هییه‌كان له‌نێو شار 205 كاتژمێر بۆ 298 كاتژمێر بووه و هه‌ربۆیه نرخی ئه‌مپێر له‌نێوان 8 هه‌زار و 750 دینار بۆ 12 هه‌زار و 750 دیناردایه"
وتیشی: "چه‌ند موه‌لیده‌یه‌كی كه‌م كاری زیاتریان كردووه و نرخی ئه‌مپێریان ده‌گاته 13 هه‌زار دینار".
ئه‌وه‌شی خسته‌ڕوو ك له ده‌وروبه‌ری هه‌ولێر نرخی ئه‌مپێرێك موه‌لیده له‌نێوان 6 هه‌زار بۆ 13 هه‌زار و 500 دیناردایه".
لای خۆیه‌وه عوسمان محه‌مه‌د، سه‌رۆكی كۆمه‌ڵه‌ی موه‌لیده ئه‌هلییه‌كانی سلێمانی رایگه‌یاند كه "له سلێمانی بۆ مانگی 10 نرخی ئه‌مپێرێك موه‌لیده له‌نێوان 6 هه‌زار بۆ 7 هه‌زار و 500 دیناردایه".
له‌باره‌ی نرخی ئه‌مپێری كاره‌بای موه‌لیده له دهۆك، هه‌كار هرووری، به‌رپرسی لیژنه‌ی موه‌لیده ئه‌هلییه‌كانی دهۆك ئه‌وه‌شی خسته‌ڕوو كه "نرخی ئه‌مپێری موه‌لیده بۆ مانگی 10 له نزیك 9 هه‌زار و 500 دینار ده‌بێت".
هاوكات له شاری هه‌ڵه‌بجه‌ش، بۆ مانگی 10 "نرخی ئه‌مپێرێك موه‌لیده هاوشێوه‌ی سلێمانی له‌نێوان 6 هه‌زار بۆ 7 هه‌زار و 500 دیناردا ده‌بێت".
ئه‌مه له كاتێكدایه له هه‌رێمی كوردستان زیاتر له 7 هه‌زار موه‌لیده‌ی تایبه‌ت هه‌ن و له نه‌بوونی كاره‌بای نیشتمانیدا كار ده‌كه‌ن.
AM:11:56:02/11/2024
ئه‌م بابه‌ته 25952
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت