زیندانییەک لە چاکسازیی گەورانی سلێمانی هەڵدێت و برایەکی لە جێگەی خۆی دادەنێت
وێستگەنیوز_
بەڕێوەبەرایەتیی چاکسازیی گەورانی سلێمانی لە راگەیەندراوێکدا رایگەیاند، زیندانییەک لە چاکسازییەکە هەڵاتووە و لە جێگەی خۆی برایەکی لە زیندان جێهێشتووە.
ئەمڕۆ پێنجشەممە هەواڵەکە بڵاوبووەتەوە بەڵام دەوترێت: "رووداوەکە دوێنی روویداوە، ئەویش کاتێک چاوپێکەوتنی سزادراوان هەبووە، کەسێک برایەکی لە جێگەی خۆی داناوە و هەڵاتووە".
بەڕێوەبەرایەتیی چاکسازیی گەورانی سلێمانی لە راگەیەندراوەکەیدا رایگەیاندووە، لیژنەیەک بۆ بەدواداچوون لە رووداوەکە پێکهێندراوە.
بەگوێرەی زانیارییەکان، تاوەکو ئەمڕۆ ئەو زیندانییە دەستگیرنەکراوەتەوە، کە دوو سزای لە سێدارەدانی هەبووە و هەردوو سزاکە بەپێی ماددەی 406 بووە کە بریتییە لە کوشتنی بە ئەنقەست.
PM:02:34:31/10/2024
ئه‌م بابه‌ته 856
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت