ئۆجەلان لە ئیمراڵییەوە چ پەیامێکی هەبووە؟
وێستگەنیوز-
دوای تێپەڕینی زیاتر لە دوو ساڵ و نیو عومەر ئۆجەلان برازای عەبدوڵڵا ئۆجەلان و خانەوادەکەی چاویان بە عەبدوڵڵا ئۆجەلان کەوتوو لەبارەی راگەیاندنی پڕۆسەی ئاشتی لە باکووری کوردستان پەیامێکی بڵاوکردەوە.
ئەمڕۆ 24ی تشرینی یەکەمی 2024، عومەر ئۆجەلان, پەرلەمانتاری دەم پارتی و برازای عەبدوڵڵا ئۆجەلان لە هەژماری تایبەتی خۆی لە تۆڕی کۆمەڵایەتیی ئێکس پەیامێکی بڵاوکردەوە و رایگەیاند، "دوێنێ 23ی تشرینی یەکەم دوای تێپەرێنی زیاتر لە دوو ساڵ و نیو و نەبینی عەبدوڵڵا ئۆجەلان ئەمڕۆ لەگەڵ خانەوادەکەمان چاومان پێیکەوت و سەردانمان کرد".
لە دیدارەکەی نێوانیاندا، عەبدوڵڵا ئۆجەلان لە ڕێگەی عومەر ئۆجەلانی برازایەوە، پەیامێکی لەبارەی راگەیاندنی پرۆسەی ئاشتی لە باکووری کوردستان بۆ ڕای گشتی بڵاوکردەوە و وتی، "ئەگەر هەلومەرجەکان لە باربن، من دەسەڵاتی تیۆری و پراکتیکیم هەیە کە ئەم پرۆسەیە لە زەمینەی ململانێ و توندوتیژیەوە بگوازمەوە بۆ زەمینەی یاسایی و سیاسی".
دەربارەی بارودۆخی تەندروستی عەبدوڵڵا ئۆجەلان، عومەر ئۆجەلانی برازای رایگەیاند، "بارودۆخی تەندروستی عەبدوڵڵا ئۆجەلان زۆر باش و جێگیرەو سڵاوی گەرمی بۆ هەمووان هەیە."
لە کۆتایدا عومەر ئۆجەلان وتیشی "هیوادارم سەردانیکردنی خێزانی کە مافێکی یاساییە، بەبێ گوێدانە بارودۆخەکە بۆ لای عەبدوڵلا ئۆجەلان بەردەوامی هەبێت."
PM:12:50:24/10/2024
ئه‌م بابه‌ته 516
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت