پرۆسەی دەنگدانی تایبەت لە هەڵەبجە گرژی تێکەوت
وێستگەنیوز-
بەیانی ئەمڕۆ هەینی 18ی تشرینی یەکەمی 2024، کاتژمێر 7:00 پرۆسەی دەنگدانی تایبەت بۆ هەڵبژاردنی خولی شەشەمی پەرلەمانی کوردستان دەستیپێکرد و لە یەکێک لە بنکەکانی دەنگدان لە هەڵەبجە گرژی دروستبوو.
هەرێم عەبدولرەحمان، پەیامنێری وێستگەنیوز رایگەیاند، "لە یەکێک لە بنکەکانی دەنگدان لە پارێزگای هەڵەبجە گرژی لەنێوان رۆژنامەنووسان و چاودێرانی بنکەکە روویدا و رۆژنامەنووسان لەو بنکەیە کرانە دەرەوە".
ئاماژەی بەوەشکرد، "پرۆسەی دەنگدان بەشێوەیەکی کاتی لەو بنکەیە راگیرا و دواتر دەستی پێکردەوە، بەڵام بە گشتی پرۆسەی دەنگدانی تایبەت لە پارێزگای هەڵەبجە بە خاوی بەڕێوەدەچێت".
کۆی گشتیی دەنگدەرانی تایبەت 215 هەزار و 960 کەسن کە دەکاتە رێژەی 7.4%ی کۆی دەنگدەران.
AM:08:40:18/10/2024
ئه‌م بابه‌ته 484
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت