سەرۆکی دەزگای مین: هێشتا 200 کیلۆمەتر چوارگۆشە لە هەرێمی کوردستان لە مین پاکنەکراوەتەوە
وێستگەنیوز_
دەزگای مین لە هەرێمی کوردستان رایگەیاند، لە کۆی 776 کیلۆمەتر زەوی مینڕێژکراو، هێشتا 200 کیلۆمەتر چوارگۆشە لە هەرێم لە مین پاکنەکراوەتەوە.
ئەمرۆ سێشەممە 8ـی تشرینی یەکەمی 2024 جەبار مستەفا، سەرۆکی دەزگای گشتیی کاروباری مین لە هەرێمی کوردستان رایگەیاند، 776 کیلۆمەتر چوارگۆشە لە خاکی هەرێمی کوردستان لەلایەن رژێمە یەک لەدوای یەکەکانی عێراقەوە مینڕێژکرابوو."
ئاماژەی بەوەشکردووە، لە دوای ساڵی 1992ـەوەوە تاوەکو ئێستا توانراوە 576 کیلۆمەتری چوارگۆشە زەوی لە مین پاکبکرێتەوە، بەڵام هێشتا 200 کیلۆمەتر چوارگۆشە ماوە پاک بکرێتەوە.
سەرۆکی دەزگای مین ئەوەشی خستووەتەڕوو، لە شەش مانگی یەکەمی ئەم ساڵدا ملیۆنێک و 390 هەزار مەتر زەویی هەرێمی کوردستان لە مین پاککراوەتەوە، هەروەها 17 هەزار و 628 مین و تەقەمەنی لەناوبراون.
AM:11:34:08/10/2024
ئه‌م بابه‌ته 1488
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت