قوباد تاڵه‌بانی: ئه‌م یه‌كێتییه‌ی ئێستا و سه‌رۆك بافڵ به هه‌موو هێز و تواناوه پشتوپه‌نای گه‌نجان ده‌بن
وێستگه‌نیوز-
قوباد تاڵه‌بانی لێپرسراوی مه‌كته‌بی سكرتارییه‌تی سه‌رۆك مام جه‌لال رایگه‌یاند كه ئه‌م یه‌كێتییه‌ی ئێستا و سه‌رۆك بافڵ به هه‌موو هێز و تواناوه پشتوپه‌نای گه‌نجان ده‌بن.
قوباد تاڵه‌بانی له تۆڕی كۆمه‌ڵایه‌تی فه‌یسبووك ئه‌م وێنانه‌ی خواره‌وه‌ی بڵاوكردووه‌ته‌وه و نووسیویه‌تی: "ئه‌مانه گه‌نجانی خوێنی گه‌رم و خۆبه‌خشی یه‌كێتیین له ده‌ڤه‌ری راپه‌ڕینی ئازیز، بڕیاریان داوه له جیاتی ئه‌وه‌ی رێگه‌ی هات و نه‌هاتی هه‌نده‌ران بگرنه‌به‌ر، كوردستانه‌كه‌یان بكه‌نه وڵاتی به‌دیهێنانی خه‌ون و رۆئیای گه‌نجانه‌یان".
ده‌شڵێت: "ئه‌م یه‌كێتییه‌ی ئێستا و سه‌رۆك بافڵ له‌رێگه‌ی راستكردنه‌وه‌ی رێڕه‌وه‌ی حكومڕانییه‌وه به هه‌موو هێز و تواناوه پشتوپه‌نای گه‌نجانی كوردستان ده‌بن".
PM:09:00:07/10/2024
ئه‌م بابه‌ته 1244
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت