له بازگه‌ی دێگه‌ڵه رێگری له ژماره‌یه‌ك پاسی یه‌كه‌مه‌كانی زانكۆ و په‌یمانگاكان ده‌كرێت
وێستگه‌نیوزـ
پێنج پاسی یه‌كه‌مه‌كانی زانكۆ و په‌یمانگاكانی سلێمانی، كۆیه و رانیه له بازگه‌ی دێگه‌ڵه رێگه‌یان پێنادرێت بچنه ناو هه‌ولێره‌وه.
په‌یامنێری وێستگه‌نیوز رایگه‌یاند: پێنچ پاسی یەکەمەکانی زانکۆ و پەیمانگانی سلێمانی و کۆیە و رانیە لەبازگەی دێگەڵە رێگایان پێنادرێت بێنە ناوشاری هەولێر تا داوای دامەزراندن بکەن.
باسی له‌وه‌شكرد، بڕیار وابوو کاتژمێر 10ی به‌یانی ئه‌مڕۆ لەبەردەم ئەنجومەنی وەزیران گردبوونەوە ئه‌نجام بده‌ن و داوای دامەزراندن بکەن.
به وته‌ی په‌یامنێری وێستگه‌نیوز، یه‌كه‌مه‌كانی چەمچەماڵ كه‌لە بازگەی پردێوە هاتوون گەویشتوونەتە هەولێر، بەڵام ژمارەیەک لەوانەی کۆیە و سلێمانی کە لە دێگەڵەوە هاتوون رێگریان لێکراوە و رێگەیان نەداون بچنه ناو هه‌ولێره‌وه.
AM:10:45:11/09/2024
ئه‌م بابه‌ته 1908
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت