میدیاكانی عێراق: موچه‌ی خانه‌نشینانی هه‌رێم وه‌ك خانه‌شینانی عێراق خه‌رج ناكرێت
وێستگه نیوزـ
سایتی به‌غداد ئه‌لیه‌وم له‌زاری سه‌رچاوه‌یه‌ك بڵاوكرده‌وه كه له دوو رۆژی داهاتوودا، حكومه‌تی به‌غدا موچه‌ی فه‌رمانبه‌رانی هه‌رێم و هێزه ئه‌منییه‌كانی هه‌رێم به یه‌ك گوژمه ره‌وانه ده‌كات، به‌ڵام موچه‌ی خانه‌نشینان هاوتای خانه‌نشینانی عێراق نییه.
سایته‌كه ناوی سه‌رچاوه‌كه‌ی نه‌هێناوه‌و ته‌نها ئه‌وه‌نده وتوه كه دوای ته‌واوبونی پرۆسه‌ی وردبینی له‌لایه‌ن وه‌زاره‌تی دارایی عێراقه‌وه، به‌غدا له دوو رۆژی داهاتوودا موچه‌ی فه‌رمانبه‌رانی مه‌ده‌نی و هێزه ئه‌منییه‌كان و خانه‌نشیان ره‌وانه ده‌كات.
سه‌باره‌ت به‌وه‌ی كه ئایا موچه‌ی خانه‌نشینانی هه‌رێم بۆ مانگی 7 هاوتای خانه‌نشینانی عێراق ده‌بێت، سه‌رچاوه‌كه ئاشكرایكرد كه موچه‌كه وه‌ك خاننه‌نشیاننی عێراق نابێت تا هه‌رێم به‌غدا له‌سه‌ر ئه‌و پرسه رێك نه‌كه‌ون، به‌ڵام باسی له‌وه كرد كه موچه‌ی مانمگی 7 به یه‌ك گوژمه ره‌وانه‌ی هه‌رێم ده‌كرێت.
ئه‌وه‌ش له‌كاتێكدایه كه له‌ماوه‌ی رابردوودا حكومه‌تی هه‌رێمی كوردستان رایگه‌یاندبوو بۆ هاوتاكردنی موچه‌ی خانه‌نشینانی هه‌رێم، لیستی موچه‌كانیان ره‌وانه‌ی به‌غدا كردوه.
PM:06:39:03/08/2024
ئه‌م بابه‌ته 3948
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت