عهلی باپیر: قەوارەی زایۆنیی لینگەفرتەی كۆتاییەتی
عهلی باپیر
وێستگهنیوزـ
عهلی باپیر، ئهمیری كۆمهڵی دادگهری كوردستان له پهیامێكدا بهبۆنهی كوژرانی ئیسماعیل ههنیه، بهرپرسی مهكتهبی سیاسی بزووتنهوهی حهماس له تاران رایگهیاند، ئەو جۆرە پەلامار و پەلەقاژانەی قەوارەی زایۆنیی لینگەفرتەی كۆتاییەتی.
عەلی باپیر، دهشڵێت: "بەناوی خۆم و قیادەی كۆمەڵەوە پرسەو سەرەخۆشیی لە كۆی خەڵكی فەلەستین بە گشتی و بە تایبەت موجاهیدانی حەماس و جیهاد دەكەین و، لە خوای میهرەبان داواكارین پلەی بەرزی شەهیدیی پێدابێ و ئارامیی و ئۆخژنیش بە سەر دڵ و دەروونی خێزان و نیزیكان و كەس وكاری دا بڕێژێ".
بەرەبەیانی ئەمڕۆ چوارشممه لە هێرشێکدا لە ناوجەرگەی تاران ئیسماعیل هەنیە و پاسەوانێکی لە شوێنی مانەوەیان کوژران، ئێرانیش سێ رۆژ ماتهمینیی راگهیاند و رابهری باڵای وڵاتهكه و سوپای پاسدارانیش ههرهشهی تۆڵه سهندنهوه دهكهنهوه، هاوكات لهسهر ئاستی عێراقیش ئیدانهی ئهو هێرشه كرا و لهسهر ئاستی جیهانیش روسیا و چین و توركیا و چهندین وڵاتی دیكه نارهزایی له ههڵكشانی دۆخهكه دهربڕی.
دهقی پهیامهكهی عهلی باپیر:
🔹 بِسْمِ اللَّـهِ الرَّحْمَـٰنِ الرَّحِیمِ
(مِنَ المُۆْمِنِینَ ڕجَالٌ صَدَقُوا مَا عَاهَدُوا اللهَ عَڵیْهِ فَمِنْهُمْ مَنْ قَچَى نَحْبَهُ ۆمِنْهُمْ مَنْ ێنْتَڤِرُ ۆمَا بَدَّلُوا تَبْدِیلًا) {الأحزاب:23}
بە بۆنەی بە ناحەق و ستەم كوژرانی بەڕێز ئیسماعیل هەنییەوە، بەرپرسی مەكتەبی سیاسیی حەماس و، سەرۆكی شاندی دانوستانكاری نێوان حەماس و قەوارەی زایۆنیی، دەوری سەعات دووی شەوی ڕابردوو: ٣١/٧/٢٠٢٤ز بەناوی خۆم و قیادەی كۆمەڵەوە: پرسەو سەرەخۆشیی لە كۆی خەڵكی فەلەستین بە گشتی و بە تایبەت موجاهیدانی حەماس و جیهاد دەكەین و، لە خوای میهرەبان داواكارین پلەی بەرزی شەهیدیی پێدابێ و ئارامیی و ئۆخژنیش بە سەر دڵ و دەروونی خێزان و نیزیكان و كەس وكاری دا بڕێژێ و، بە باشترین شێوە پاداشتیان بداتەوە بەو بۆنەیەوەش دەڵێم:
١- كوشتنی كەسی یەكەمی حەماس لە لایەن قەوارەی زایۆنییەوە، لە كاتێك دا بانگێشتی فەڕمیی دەوڵەتێك كراوە، بەڵگەیەكی دیكەی سەلمێنەری دڕندایەتیی قەوارەی زایۆنیی و گوێنەدانیەتی بە سەرجەم پڕەنسیپەكانی مرۆڤایەتیی و كاری دیپلۆماسیی و، ئەو پەڕی داڕووخانی ڕەوشت و ئاكاری سیاسیی.
٢- بێگومان ئێرانیش بەرپرسیارییەتێکی گەورەی کەوتە سەرشان کە بەو شێوە قێزەونە میوانێكی گەورە و گرنگی وەك هەنییە لە ماڵەكەیدا بكوژرێ، بۆیە چاوەڕوانیی دەكرێ ئێران وەڵامێكی پڕ بە پێستی هەبێ.
٣- كار و كاروانی جیهاد و خەباتی فەڵەستینییەكان لەمێژە بەڕێوەیە و شەهیدانی دیكەی زۆری وەك: شێخ أحمد یاسین، یحی عەییاش وعبدالعزیز الرَّنتیسی و ...هتدی دیكەشی پێشكەشكردوون و بە دڵنیایی بە لە دەستدانی ئیسماعیل هەنییەش جیهادو فیداكاری فەلەستینییەكان نەك كۆتایی نایەت بەڵكو مایەی بەهێزتركردن و گەشەپێدانیەتی و، (هەتا خوێن زیاتر بڕژێ، تۆوی تۆڵە دەپڕژێ).
٤- بەو كارو هەڵوێستانەش، قەوارەی زایۆنیی و زلهێزە پاڵپشتەكانی و ماستاوچییەكان و دەهۆڵ كوتەكانیان، هەرچی پتر نیشانەی پرسیاریان دەكەوێتە سەر و دووچاری شەرمەزاریی بوون و دەبن.
٥- پێشم وایە ئەو جۆرە پەلامار و پەلەقاژانەی قەوارەی زایۆنیی لینگەفرتەی كۆتایینی و، ئێستا بە خێرایی بەرەو مەرگ و لێك هەڵوەشان دەچێ و، سەرەنجامییش تێکڕای ئەو دەوڵەت و حیزب و ڕێکخراوو کەسایەتییانەی هاوسۆز و هاوکاری فەڵەستینییەکان بوون، سەربەرزی دنیا و قیامەت دەبن و، ئەوانەش کە بێ هەست و هەڵوێست بوون، یان ڕاستەوخۆ و ناڕاستەوخۆ ئاویان بە ئاشی قەوارەی زایۆنیی دا کردوەو دەکەن، عەیبداریی و شەرمەزاریی دنیاو قیامەتیان بۆ دەمێنێتەوە.
عەلی باپیر
٢٥ محرم ١٤٤٦ك
٣١/٧/٢٠٢٤ز
PM:04:37:31/07/2024
ئهم بابهته 2704
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت