هادی عامری داوای چونه دهرهوهی هێزهكانی ئهمریكا و توركیا له عێراق دهكات
وێستگه نیوزـ
هادی عامری، سهرۆكی هاوپهیمانیی فهتح و ئهمینداری گشتی رێكخراوی چهكداریی بهدر داوا دهكات هێزهكانی توركیا و ئهمریكا له خاكی عێراق بچنه دهرهوه.
له بۆنهیهكدا كه له بهغدا سازكرابوو، هادی عامری وتی: ئهگهر عێراقێكی خاوهن سهروهری و كهرامهتمان بوێت و بمانهوێت دامهزراوهیهكی سهربازیی بههێزمان ههبێت، دهبێت هێزهكانی هاوپهیمانیی نێودهوڵهتی له خاكی عێراقدا نهمێنن.
سهبارهت به سوپای توركیاش، عامری بهههمان شێوهی ئهمریكا و هاوپهیمانیی نێودهوڵهتی داوای چونهدهرهوهی سوپای ئهو وڵاتهی كرد و وتی: "بنیادنانی ههر پهیوهندییهك لهگهڵ توركیا ناكرێ و نابێ تا له خاكی عێراق نهكشێنهوه و هیچ سازشێك لهسهر خاكی عێراق ناكرێت."
وتیشی: دهستور رێگه به بوونی هیچ هێزێك لهسهر خاكی عێراق نادات كه ههرهشه له وڵاتانی دراوسێ بكات و ئێمهش ئامادهین بۆ لێگهیشتن و هاوكاری لهو بوارهدا.
سهرۆكی هاوپهیمانیی فهتح باسی لهوهشكرد ساڵی 2009 لهسهر چونه دهرهوهی هێزه بیانییهكان رێككهوتین كه ئهوكاته ژمارهیان 180 ههزار سهربازبوو، ئێستا ژمارهیان 2500 سهربازه و دهڵێن كشانهوهكه سێ ساڵی پێ دهچێت، ئهمه هیچ مانایهكی نییه.
PM:11:17:13/07/2024
ئهم بابهته 880
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت