مەسرور بارزانی و کونسوڵی گشتیی بەریتانیا کۆبوونەوە

‌دیمەنێک لە دیدارەکە

وێستگه‌نیوزـ

ئەمڕۆ دووشەممە 25ـی ئەیلولی 2023، مەسرور بارزانی، سەرۆکوەزیرانی هەرێمی کوردستان و رۆزی کەیڤ، کونسوڵی گشتیی بەریتانیا لە هەرێمی کوردستان کۆبوونەوە.

بە گوێرەی راگەیەندراوێکی ماڵپەڕی فەرمی حکومەتی هەرێم، رۆزی کەیڤ بۆ ماڵئاوایی و بەبۆنەی کۆتاییهاتنی ئەرکەکەی سەردانی سەرۆکوەزیرانی هەرێمی کوردستانی کردبوو.

به‌پێی راگه‌یه‌ندراوه‌كه‌، لەو دیدارەدا مەسرور بارزانی، سه‌رۆك وه‌زیرانی هه‌رێم سوپاسی کونسوڵی گشتیی بەریتانیای کرد کە لە ماوەی کارکردنیدا، کاری بۆ بەرەوپێشبردن و پتەوکردنی پەیوەندی دوولایەنە کردووە و هیوای سەرکەوتنی لە ئەرکی داهاتوویدا بۆ خواست.

ئاماژە بەوەشدراوە، کونسوڵی گشتیی بەریتانیا، سوپاس و پێزانینی خۆی بۆ کارئاسانی و هه‌ماهەنگیکردنی لایەنە پەیوەندیدارەکانی حکومەتی هەرێمی کوردستان لەگەڵ کونسوڵخانەی وڵاتەکەی دەربڕی.

PM:02:54:25/09/2023