ده‌زگای ئاسایشی هەرێم: چەند تۆمەتبارێکی ئاژاوەگێڕ و تەقەکەر دەستگیرکران
وێستگه نیوزـ
ده‌زگای ئاسایشی هەرێم رایگه‌یاند كه هێزه‌كانیان له بەڕێوەبەرایەتی ئاسایشی ڕۆژئاوای سلێمانی ٨ تۆمەتباری ئاژاوەگێڕ و تەقەکەریان لە سنوری چەمچەماڵ دەستگیرکردوه.
له راگه‌یه‌ندراوێكی ده‌زگاكه‌دا هاتووه: لەپێناو ئارامی و ئاسایشی زیاتر و چەسپاندنی یاسا و ڕێگریکردن لە تەقەکردن و ئاژاوەگێڕی، هێزەکانی بەڕێوەبەرایەتی ئاسایشی ڕۆژئاوای سلێمانی لەماوەی مانگێکدا، هەشت تۆمەتباریان بە بڕیاری دادوەری لێکۆڵینەوەی ئاسایش دەستگیرکردووە.
"تۆمه‌تباره‌كان هەستابوون بە نانەوەی پشێوی و تەقەکردنی لە ماڵان و شەقام و شوێنە گشتیەکان و سەرجەم ئەو چەکە بێمۆڵەتانەی کە بەکاریان هێنابوو دەستیبەسەرداگیراوە." ده‌زگای ئاسایشی هه‌رێم وای وتوه.
ئاماژه‌ی به‌وه‌شداوه كه لە ئێستادا بە فەرمانی دادوەری لێکۆڵینەوە بە ماددەکانی ( ٤٩٥-٤٣٠-٤٠٥ ) لەیاسای سزادان ڕاگیراون و لێکۆڵینەوە لە دۆسیەکانیان بەردەوامە.
PM:08:36:23/09/2023
ئه‌م بابه‌ته 1652
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت