"له هه‌ولێر هێرش كرایه سه‌ر باره‌گای كه‌نه‌كه و كه‌سێك كوژرا"
وێستگه‌نیوز-
دوانیوه‌ڕۆ ئه‌مڕۆ له شاری هه‌ولێر هێرش كرایه سه‌ر باره‌گای كۆنگره‌ی نه‌ته‌وه‌یی كوردستان "كه‌نه‌كه" و ته‌قه‌ی له ئه‌ندامێكی رێكخراوه‌كه كردووه و كوشتوویه‌تی.
ئاژانسی رۆژنیوز بڵاویكرده‌وه كه "نزیك كاتژمێر دووی دوانیوڕۆی ئه‌مڕۆ له شاری هه‌ولێر كه‌سێكی نه‌ناسراو چووه‌ته سه‌ر باره‌گای كه‌نه‌كه و ئه‌ندامێكی كه‌نه‌كه‌ی به‌ناو "ده‌نیز هێڤی” شه‌هید كردووه و كه‌سه‌كه هه‌ڵهاتووه".
شكوروڵا حه‌مه‌ده‌مین ئه‌ندامی كه‌نه‌كه له‌وباره‌وه ده‌ڵێت: "نیوه‌ڕۆی ئه‌مڕۆ ته‌نیا هه‌ڤاڵ ده‌نیز هێڤی له باره‌گا بووه، كه‌سێكی نه‌ناسراو چووه‌ته ژووره‌وه و له‌لای ده‌رگای باره‌گاكه تیرۆری كردوه و هه‌ڵهاتووه".
وتیشی: "دوای ڕووداوه‌كه هێزه ئه‌منییه‌كان چوونه‌ته باره‌گاكه‌ی كه‌نه‌كه و باره‌گاكه‌یان داخستووه و ته‌رمی شه‌هید ده‌نیزیان گواستووه‌ته بۆ پزیشكی دادوه‌ری و له‌ئێستادا هێزه ئه‌منییه‌كان سه‌رقاڵی لێكۆڵینه‌وه‌ن".
ئه‌ندامه‌كه‌ی كه‌نه‌كه راشیگه‌یاند كه "چه‌ند ئه‌ندامێكی ئێمه بڕیاره بچنه پزیشكی دادوه‌ری و زانیاری سه‌باره‌ت به شێوازی تیرۆركردنی ئه‌ندامه‌كه‌مان وه‌ربگرن".
PM:05:38:18/09/2023
ئه‌م بابه‌ته 2752
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت