بڵێسە جەبار فەرمان: نان، ئازادی و ژیانێکی شکۆمەندانە لە هەرێم تەنها بۆ مافیاکانە
وێستگه نیوز- هێڤی خالد
بڵێسە جەبار فەرمان، ئه‌ندامی سه‌ركردایه‌تیی یه‌كێتی نیشتمانی كوردستان پێی وایه كه "نان، ئازادی و ژیانێکی شکۆمەندانە لە هەرێم تەنها بۆ مافیاکانە" ده‌شڵێت: خەڵک دوو مانگە بۆ مووچە چاوەڕێی رەحمەتی دەوڵەتمەدارە لەخۆباییەکانە.
له لاپه‌ڕه‌ی تایبه‌تیی خۆی له تۆڕی كۆمه‌ڵایه‌تیی فه‌یسبوك بڵێسه جه‌بار فه‌رمان نوسیویه‌تی: "ئەمە واقعی ھەرێم و حوکمڕانیە شکستخواردوەکەیە لە سایەی بەناو دەوڵەتدارە لوت بەرزو بێئاگاکان لە دۆخی هاوڵاتیان و سەرقاڵ بوونیان بە ئەسپ و مەزرەعەکانیانەوە."
ده‌قی نوسینه‌كه‌ی بڵێسه جه‌بار فه‌رمان:
نان، ئازادی و ژیانێکی شکۆمەندانە
لە هەرێمی کوردستان
تەنها بۆ مافیاکانە.
لەھەرێمی کوردستان
نان کاڵایەکە بە سیاسی کراوە
ئازادی وشەیەکی سواوە
شکۆمەندی تەنها بۆ خۆیان رەوایە
خەڵک دوو مانگە چاوەڕێی رەحمەتی دەوڵەتمەدارە لەخۆباییەکانە لە گەڵ بەغداد رێککەون و بەندەکانی یاسای بودجە جێبەجێ بکەن بۆ دابەشکردنی موچە.
ئەمە واقعی ھەرێم و حوکمڕانیە شکستخواردوەکەیە لە سایەی بەناو دەوڵەتدارە لوت بەرزو بێئاگاکان لە دۆخی هاوڵاتیان و سەرقاڵ بوونیان بە ئەسپ و مەزرەعەکانیانەوە.
PM:06:41:29/07/2023
ئه‌م بابه‌ته 3792
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت