هەڕەشەی کوشتن لە دکتۆر چۆمان هەردی دەکرێت
دکتۆر چۆمان هەردی
وێستگەنیوز-
وێڕای سوکایەتی پێکردن و جنێوپێدان، کەسێک ھەڕەشەی کوشتن لە دکتۆر چۆمان هەردی نووسەر و شاعیر و مامۆستای زانکۆ دەکات.
دکتۆر چۆمان ئەحمەد ھەردی، لە واڵی خۆی نوسینی کەسێکی بڵاو کردۆتەوە کە چەندین جنێوی پێدەدات و دەشڵێ سەرت لە لاشەت جیا دەکەینەوە.
دکتۆر
چۆمان هەردی لە هەژماری خۆی لە تۆڕی کۆمەڵایەتی فەیسبووک وێنەی کۆمێنتی
ئەو کەسەی داناوە کە هەڕەشەی لێ دەکات و لە وەڵامی کۆمێنتی ئەو کەسەدا نووسیویەتی، "هەندێک کەس خۆیان
سەغڵەت کردووە ئەڵێی بۆ جیهاد دەچن. هەرچی قسەی لەمجۆرەیە ڕەنگدانەوەی
ناخی نەخۆشی خۆیانە. ئێمە ناوەستین و لە کارەکانمان بەردەوام دەبین!
ئەوانیش هەر جنێوبدەن بۆ خۆیان".
چۆمان هەردی لەساڵی 1974 لە شاری
سلێمانی هاتۆتە دنیاوە لە وڵاتی بەریتانیا بەکالۆریۆس، ماستەر و دوکتۆرای
لە فەلسەفە و دەروونناسیدا بەدەست هێناوە. جگە لەکاری ئەکادیمی شیعریش
دەنووسێت و خاوەنی چەند کۆمەڵە شیعرێکە.
لە ئێستادا دکتۆر چۆمان
مامۆستایە لە زانکۆی ئەمریکی-سلێمانی، ماوەی چەند ساڵێکیشە دامەزرێنەر و
بەرپرسی سەنتەری جێندەر و گەشەپێدانە لە هەرێمی کوردستان.
PM:09:47:26/09/2022
ئه‌م بابه‌ته 3716
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت