لە مەیدانی ئاژەڵانی هەولێر شەڕەتەقە روویدا
وێستگەنیوز_
رووداوێکی تەقەکردن لە مەیدانی ئاژەڵانی هەولێر روویداوە و بەهۆیەوە دوو کەس بە سەختی برینداربوون. لەبارەی رووداوەکەوە، پۆلیسی پارێزگای ھەولێر روونکردنەوە دەدات و ھۆکاری رووداوەکەش ئاشکرا دەکات.
بەرێوەبەرایەتی پۆلیسی پارێزگای ھەولێر لە روونکردنەوەیەکدا ئاماژەی بەوەکردووە، بەرەبەیانی ئەمڕۆ کاتژمێر09:15 خولەکی بەیانی ئاگادارکرانەوە بەبوونی ڕووداوێکی تەقەکردن لە مەیدانی ئاژەڵان، دەستبەجێ تیمێکی بەڕێوەبەرایەتی پۆلیسی پارێزگای ھەولێر گەشتنە شوێنی ڕووداو و دەستیان بەلێکۆڵینەوە کرد و دەرکەوت کەوا لەئەنجامی تەقەکردنەکە دوو کەس بریندار بوونە بە ناوی رەشید زێڕۆ محەمەد تەمەن 19 ساڵ و فەردین محەمەد تەمەن 25 ساڵ.
پۆلیسی هەولێر راشیگەیاندووە، "ھۆکاری شەڕە تەقەکە بۆ کێشەیەکی کۆنی کۆمەڵایەتی دەگەڕێتەوە، پەڕاوی لێکۆڵینەوە بۆ رووداوەکە کراوەتەوە و پۆلیس سەرقاڵی لێکۆڵینەوەیە وە لەئایندەیەکی نزیکدا زانیاری زیاتر دەخەینەڕوو."
PM:03:52:13/04/2022
ئه‌م بابه‌ته 4828
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت