سه‌در بۆ هێزه شیعه‌كان: با په‌یماننامه‌ی شه‌ره‌ف ئیمزا بكه‌ین و ناو ماڵی خۆمان رێكبخه‌ینه‌وه
وێستگه نیوزـ
رابه‌ری سەرۆكی رەوتی سەدر داوای لە هێزە شیعەكان كرد نێوماڵی خۆیان رێكبخەنەوە و لەسەر بنەمانی "بڕوای ئایینی و سیاسی" پەیماننامەی شەرەف ئیمزا بكەن.
موقته‌دا سەدر، رابه‌ری ره‌وتی سه‌در لە پەیامێكدا كە لە هەژماری خۆی لە تۆڕی كۆمه‌ڵایه‌تیی تویتەر بڵاویكردوه‌ته‌وه ده‌ڵێت "كەسانێك بە روونی بێڕێزیی بەرامبەر بە خودا و ئایین و پێغەمبەر و پیاوچاكان دەكەن و دەیانەوێت لەو رێیەوە "ناوبانگی شۆڕشگێران و چاكسازی و دین و مەزهەب بشێوێنن".
سەدر رایگه‌یاندوه كه ئەو كەسانە لەلایەن هێزە خراپەكارەكانی دەرەوە و هەندێك كەس لە ناوەوەی عێراقەوە پشتیوانی دەكرێن.
رابه‌ری ره‌وتی سه‌در داواشی لە هێزە شیعەكان كردووە كە نێوماڵی خۆیان رێكبخەنەوە و لەسەر بنەمای بڕوای ئایینی و سیاسی، پەیماننامەی شەرەف ئیمزا بكەن.
PM:09:17:02/12/2020
ئه‌م بابه‌ته 3300
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت