بەرهەم ساڵح: پێویستە ڕێز لە سەروەری نیشتیمانی عیراق بگیرێت
وێستگە نیوز-
بەرهەم ساڵح، سەرۆک کۆماری عیراق ئەمڕۆ هەینی ٢٢٤ ی ١ ی ٢٠٢٠ لە ڕۆما پێشوازیکرد لە وەزیری دەرەوەی ئیتاڵیا لویجی دی مایۆ.
لە میانی دیدارەکەدا باس لە پەیوەندییە دوو قۆڵییەکان و چۆنیەتی بەرەوپێشبردنی کرا، بەجۆرێک کە خزمەت بە بەرژەوەندییەکانی عیراق و ئیتاڵیا بکات.
هەر لە دیدارەکەدا بەرهەم ساڵح، تەئکیدی لە پێویستی ڕێزگرتن لە سەروەری نیشتمانی و بڕیاری ئەنجومەنی نوێنەرانی عێراق سەبارەت بەمانەوەی هێزە بیانییەکان لە عێراق کردەوە، هاوکات سوپاسی بەشداریکردنی ئیتاڵیای لە هاوپەیمانی نێودەوڵەتی بۆ دژایەتیکردنی داعش کرد.
لە دیدارەکەدا جەختیش لە پشتیوانی سەقامگیری عێراق و کاری هاوبەش کرایەوە، لە پێناو بەرجەستەکردنی ئاشتەوایی و ئاسایش لە عێراق و ناوچەکەدا.
لە ئێستادا سەرۆک کۆماری عیراق بە سەردانێکی کورت لە ئیتاڵیایەو لەگەڵ گەورە بەرپرسانی ئیتاڵیا کۆدەبێتەوەو دیداریشی لەگەڵ پاپای ڤاتیکان دەبێت.
ش . ر
PM:11:05:24/01/2020
ئهم بابهته 1732
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت