نەوەی نوێ و کۆمەڵ و یەکگرتوو كۆبوونەوەی پەرلەمانیان بەجێهێشت
دانیشتنی پەرلەمان لەسەر پڕۆژە یاسای چاکسازی
وێستگە نیوز-
كۆبوونەوەی پەرلەمان بۆ دەنگدان لەسەر پڕۆژە یاسای چاكسازی بەردەوامە و نەوەی نوێ و کۆمەڵ و یەگرتوو دانیشتنەكەیان بەجێهێشت.
فراكسیۆنەكانی نەوەی نوێ و كۆمەڵی ئیسلامی و یەكگرتوو دژی پەسەند كردنی بەشێكی ماددەكانی یاسای چاكسازین.
نەوەی نوێ پاش ئەوە پەرلەمانیان بەجێهێشت كە یاسای خانەنشینی پلە باڵاكان خرایە دەنگدان و پەسەند كرا، كۆمەڵ و یەكگرتوویش داوایان كرد كەمترین مووچەی خانەنیشنی لە 400 هەزار كەمتر نەبێت.
کازم فاروق، سەرۆکی فراکسیۆنی نەوەی نوێ رایگەیاند: "لە پڕۆژەیاسای چاکسازیدا زامنی گیرفانی پلەباڵاکان کراوە، بەڵام زامنی خەڵکی فەقیر و هەژار نەکراوە".
کازم فاروق وتیشی: "پەرلەمانتار و وەزیر بە چوار ملیۆن و 100 هەزار دینار خانەنشین دەکرێن".
راشیگەیاند: "پێشنیازمان کرد کەمترین موچە 500 هەزاربێت، بەڵام جێگەی نەکرایەوە و ئێمەش دانیشتنەکەمان بەجێهێشت".
ئەمەش لەکاتێکدایە، لە دانیشتنی ئەمڕۆی پەرلەمانی کوردستاندا پرۆژەیاسای چاکسازیی پەسەندکرا و دژی خانەنشینکردنی پلەباڵاکان فراکسیۆنی نەوەی نوێ و کۆمەڵ و یەکگرتوو دانیشتنەکەیان بەجێهێشت.
PM:01:02:16/01/2020
ئهم بابهته 2472
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت