پارێزەران: ئۆجالان داوای شکاندنی مانگرتنی گۆشەگیری دەکات
وێستگە نیوز-
پارێزەرانی ڕێبەری پارتی کرێکارانی کوردستان رایدەگەێنن
"ئۆجالان داوای شکاندنی مانگرتن لە گۆشەگیری دەکات".
ئەمڕۆ یەک‌شەممە گروپی پارێزەرانی سەدە لە شاری ئیستەنبوڵ کۆنگرەیەکی
رۆژنامەوانیان ئەنجامدا و رایانگەیاند "رۆژی چوارشەممە ٢٢ی ئایار دیدارێکیان
لەگەڵ عەبدوڵا ئۆجالان ڕیبەری پارتی کریکارانی کوردستان لە زیندانی ئیمرالی
ئەنجامداوە و تەندروستی باشە".
پارێزەرانی ئۆجەلان ئاماژەیان بەوەداوە "ئۆجالان داوای شکاندنی
مانگرتنی گۆشەگیری کردووە و داوای کردوە هیچی دیکە دریژە بەو مانگرتنە
نەدەن".
پارێزەران ئەوەشیان وتوە "ئۆجالان سوپاسی مانگرتوانی کردوە و هەڵوێستەکەیانی
بەبەرز و گرنگ نرخاندوە" و توشیەتی "چالاکییەکان بە ئامانج گەیشتون و
داوای کردوە کە لەپێناو ئەودا کەس زیان بەخۆی نەگەێنێت و تەندروستی خۆیان
بپارێزن".
پارێزەرانی ئۆجەلان ئەوەشیان وتوە "تا ئێستا هیچ لایەنێک
هەڵوێستیان لەسەر دواین پەیامی ئۆجەلان نیشان نەداوە".
ئەمە لە کاتێکدایە، هەزاران کەس لە زیندانەکانی دەوڵەتی تورک، تەواویی کوردستان و
وڵاتانی دەرەوەدا دژی گۆشەگیریی سەر ئۆجالان لە مانگرتندان و داواکاری سەرەکیان
لابردنی گۆشەگیرییە.
هــ. ب
AM:11:28:26/05/2019
ئه‌م بابه‌ته 840
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت