نەوەی نوێ ناو و وێنەی كاندیدانی لە سلێمانی بڵاوكردەوە
وێستگە نیوز-
جوڵانەوەی نەوەی نوێ بە فەرمی ناو و وێنەی كاندیدانی بۆ هەڵبژاردنی پەرلەمانی عیراق لە پارێزگای سلێمانی بڵاوكردەوە.
پەڕەی نەوەی نوێ لە تۆڕی كۆمەڵایەتی فەیسبووك ناو و وێنەی كاندیدانی پارێزگای سلێمانی بڵاوكردەوە كە 26 كاندیدن و بە سەركەوت شەمسەدین سەرۆكی لیستەكە دەست پێدەكات و بە ئاكۆ ئازاد خدر كۆتایی دێت.
پارێزگای سلێمانی 18 كورسی لە 329 كورسی پەرلەمانی عیراق بۆ تەرخانكراوە، بۆ ئەو 18 كورسییەش حەوت هێزی سەرەكی و چەند حزبێكی دیكە كێبڕكێی بردنەوەی دەكەن.
بڕیارە رۆژی 12ی ئایاری 2018 هەڵبژاردنی پەرلەمانی عێراق بكرێت و لە رۆژی 14ی نیسانیش بانگەشە دەستی پێكردووە، لەم هەڵبژاردنەدا هاوپەیمانی بۆ دیموكراسی و دادپەروەری بە سەرۆكایەتی بەرهەم ساڵح و نەوەی نوێ بە سەرۆكایەتی شاسوار عەبدولواحید یەكەمجارە بەشداری دەكەن.
PM:07:16:20/04/2018
ئهم بابهته 11372
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت