به وێنه.. ئەفسەرێكی پۆلیسی سلێمانی بهبرینداربوونی خۆی ژیانی چەند هاوڵاتییەكی رزگار كرد
نەقیب زوهێر، ئەفسەر لە بەشی پۆلیسی فریاكەوتنی سلێمانی
وێستگه نیوز ـ
ئهفسهرێكی پۆلیسی پارێزگای سلێمانی له رووداوی ئاگركهوتنهوهی هۆتێلێك له سلێمانی، توانی ژیانی چهند هاوڵاتییهك رزگار بكات و لهگهڵ ئهوهشدا خۆیشی برینداربوو.
دوێنێ دووشهممه 19ی شوباتی 2018، ئاگرێك لە هۆتیل نارا لە سەر شەقامی بازنەیی مەلیك مەحمودی شاری سلێمانی كەوتەوەو چەند هاوڵاتییەك بریندار بوون.
دوای گەیشتنی هێزەكانی پۆلیس و تیمە فریا گوزارییەكان توانرا ئاگرەكە كۆنتڕۆڵ بكرێت و ئەفسەرێكی پۆلیسی فریاكەوتنی سلێمانی لە هەوڵێكدا توانی بە هانای چەند بریندارێکی ئاگرەكە بكەوێت و رزگاریان بكات.
پهیجی پۆلیسی سلێمانی له فهیسبوك بڵاویكردووهتهوه، نەقیب زوهێر، ئەفسەر لە بەشی پۆلیسی فریاكەوتنی سلێمانی ماندوونەناسانە و دوای هەوڵێكی زۆر و بریندار بوونیشی بەهۆی ئەو رووداوەوە توانی چەند بریندارێک رزگار بكات كە لە هۆتێلەكە مابوونەوە و گیریان خواردبوو.
نەقیب زوهێر، لهو بارهوه وتوویهتی، "دوای ئەوەی ئاگادار كراینەوە لە بوونی ئاگرێك کە لە هۆتێل نارا لەشەقامی بازنەیی مەلیك مەحموو كەوتوهتەوە، دەستبەجێ هێزەكانمان گەیاندە شوێنی رووداوەكەو توانیمان بە هاوكاریی هێزەكانی پۆلیس و تیمە فریا گوزارییەكانی تر سەرجەم برینداران لە شوێنی ئاگار كەوتنەوەكە دور بخەینەوەو رزگاریان بكەین".
هــ. ر
AM:08:54:20/02/2018
ئهم بابهته 9688
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت