ژووری ئۆپەراسیۆنی پارێزگای دهۆک: هاتووچۆ لە رۆژانی جەژن ئاساییە
وێستگە نیوز-
ژووری ئۆپەراسیۆنەکانی پارێزگای دهۆک رایگەیاند، لە رۆژانی جەژنی رەمەزانی پیرۆز، هاتووچۆی هاووڵاتیان بە پابەندبوون بە رێنوێنییە تەندروستییەکان و رێکارەکانی خۆپارێزی ئاسایی دەبێت.
لە راگەیەندراوەکەی ژووری ئۆپەراسیۆنەکانی پارێزگای دهۆک ئاماژە بەوەكراوە، لە رێکارەکانی خۆپارێزیی و لەبارەی نوێژی جەژنیشەوە رایدەگەیێنن، نوێژی جەژنی رەمەزانیش بە هەمان رێنوێنییەکانی پیشووتر لە مزگەوتەکان دەکرێن و داوا لە مامۆستایانی ئایینی دەکەن: "هەر وەکو پێشتر رێنوێنییەکان بۆ نوێژی جەژنیش پەیڕەو بکەن و نوێژخوێنان لە مەترسییەکانی کۆرۆنا ئاگاداربکەنەوە. هەروەها چوونی بەکۆمەڵ بۆ مزگەوت قەدەخە بکەن".
دەقی راگەیەنراوەكەی پارێزگای دهۆك:
ڕاگەهاندنەک ژ ژوورا ئۆپەراسیۆنا پارێزگەها دهۆکێ:
لدویڤ بەیانا وەزارەتا ناڤخۆ ۷ی گولانا ۲٠۲۱ بۆ رۆژێن جەژنا رەمەزانا پیرۆز، دگەل بەرچاڤگرتنا هەموو ڕێکارێن تەندروستیێ و هوشداریدان ژ هەلکێشان و زێدەبوونا هژمارا نەخوشێن کۆرۆنایێ و داخوازکرن ژ هاولاتیێن خوشتڤی کو خۆ ژ سەردان و چوونا مالا ب مەرەما جەژن و هەر مەرەمەکا دیتر و جهێن قەرەبالغ و چێکرنا قەرەبالغێ بدەنە پاش، ڤان بریارێن خوارێ ڕادگەهینین:
۱ـ هاتنووچوون ل رۆژێن جەژنێ دگەل بەرچاڤگرتنا ڕێنماییێن خۆپارێزیێ ژ نەساخیا کۆرۆنایێ دێ ئاسایی بیت.
۲ـ هەرجورە خڕڤەبوون و قەرەبالغی ل جهێن گشتی و گەشتیاری قەدەغەیە.
۳ـ نڤێژا جەژنێ دێ هێتەکرن ب هەمان ڕێنمایێن پێشتر کو ل مزگەفتا دهاتنە پەیرەوکرن. داخوازێ ژ ماموستایێن ئایینی دکەین هەر وەکو بەرێ ڕێنمایێن پێدڤی ل نڤێژا جەژنێ پەیرەو بکەن و نڤێژکەرا ژ مەترسیا کۆرۆنایێ ئاگەهدار بکەنەڤە و چوونا دەستا ل مزگەفتێ قەدەغە بکەن.
٤ـ هاتنووچوونا دناڤبەرا پارێزگەهێن هەرێمێ دگەل پارێزگەهێن عێراقێ لدویڤ بەیانا ژمارە (۱٥) یا سالا ۲٠۲۱ هەروەکو خۆ دێ قەدەغە بیت، بتنێ بۆ ئەو حالەتێن کو د بەیانێدا هاتی دێ ڕێ هێتەدان.
٥ـ هەموو ئەو بریارێن دیتر کو د بەیانێن پێشتردا بۆ پاراستن و سەلامەتیا هاولاتییێن خوشتڤی هاتیەدان دێ وەکو خۆ مینن.
هیڤیدارین ب جێبەجێکرنا ڕێنماییێن ساخلەمیێ خۆ ژ جهێن قەرەبالغ بدەنە پاش و روژێن جەژنێ خۆش ببەنە سەر و خۆدێ مەزن روژی و نڤێژێن وە قەبول بکەت.
ژوورا ئۆپەراسیۆنا پارێزگەها دهۆکێ
۷ ی گولانا ۲٠۲۱
به‌شی بكه ل
PM:02:07:07/05/2021
ئه‌م بابه‌ته 3964
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت