ریاڵ مەدرید پێکانى مباپێی ڕاگەیاند
.jpg)
وێستگە سپۆرت-
یانەى ریاڵ مەدرید پێکانی مباپێی راگەیاند و ئەو یاریزانەش تا دوای یاری هەڵبژاردەکان دووردەکەوێتەوە.
کیلیان مباپێی فەرەنسی و هێرشبەری یانەی ریاڵ مەدرید لە یاری یانەکەی بەرامبەر ئالاڤێس تووشی پێکانبووە و بەو هۆیەشەوە یاریگای جێهێشت.
یانەی ریاڵ مەدریدی ئیسپانی لە راگەیەندراوێکی فەرمیدا بڵاویکردەوە، دوای ئەنجامدانی پشکنینە پزیشکییەکان دەرکەوتووە کە مباپێ تووشی پێکانبووە لە قاچیدا.
یانەکە ئاماژەی بەوەداوە، ئەو یاریزانە بەردەوام لە ژێر چاودێری پزیشکەکانی یانەکەیاندا دەبێت و رۆژانە پشکنین و هەڵسەنگاندنی نوێی بۆ دەکەن.
هەرچەندە یانەی شاهانە ماوەی دوورکەوتنەوەی ئەو یاریزانەی ئاشکرا نەکردووە بەڵام سەرجەم رۆژنامەکان دڵنیان لەوەی کە بۆ ماوەی سێ هەفتە لە یاریگاکان دووردەکەوێتەوە و تا دوای یاری هەڵبژاردەکان ناتوانێت یاری بکات.
ئاماژەیان بەوەشداوە، ئەو یاریانەی کە مباپی ناتوانێت بەشداری تیادا بکات بەرامبەر یانەکانی ئەتلەتیکۆ مەدرید و لیل و ڤیاڕیاڵن، دواتر لە یاریەکەیان بەرامبەر سێلتا ڤیگۆ کە بڕیارە لە 19ی مانگی 10 بەڕێوەبچێت.
PM:09:38:25/09/2024
ئه‌م بابه‌ته 296
جار خوێنراوه‌ته‌وه