لیستى کۆتایی پاڵێوراوانى باڵۆن دۆڕ ئاشکرا کرا
وێستگە سپۆرت-
لیستی پاڵێوراوانی باڵۆندۆر ئاشکراکران و ریاڵ مەدرید پشکی شێری بەرکەوتووە لە خەڵاتە جیاوازەکاندا.
تۆڕی فرانس فوتبۆڵی فەڕەنسی لیستی یاریزان پاڵێوراوەکانی بۆ بردنەوەی باڵۆندۆر ئاشکراکرد و تێیدا یاریزانەکان لە خولە جیاوازەکاندا رکابەری دەکەن، وە بۆ یەکەمجاریش لەدوای ساڵی 2003ەوە ناوی هیچکام لە میسی و رۆناڵدۆ لە لیستەکەدا نابینرێت.
یانەی ریاڵ مەدرید پشکی شێری پاڵێوراوەکانی بەرکەوتووە و شەش یاریزانی کە بریتین لە، ڤینیسیۆس و بێڵینگهام و مباپێ، هاوشانی، ڤاڵڤێردی و رۆدیگێر و کارفاخاڵ پاڵێوراوی خەڵاتەکەن، وە تۆنی کرووسی یاریزانی پێشووی یانەکەش کە لە ئێستادا وازی لە یاریکردن هێناوە یەکێکی ترە لە پاڵێوراوەکان.
دیارترین پاڵێوراوەکانی تریش بریتین لە یاریزانان، ئێرلینگ هالاند و لاوتارۆ و مارتینێز و رۆدری و لامین یامال و نیکۆ ویلیامز.
لەسەر ئاستی باشترین یاریزانانی لاویش، نۆ یاریزان کێبڕکێی بەدەستهێنانی خەڵاتەکە دەکەن و دیارترینیان بریتین لە، لامین یامالی یاریزانی بەرشەلۆنە و ئاردا گولەری یاریزانی ریاڵ مەدرید.
وە لونین و مارتینێز و دۆنارۆما و سۆمەریش دیارترین ئەو گۆڵچیانەن پاڵێوراوی خەڵاتی باشترین گۆڵچی وەرزی رابردوون، وە ئەنچیلۆتی و دی لا فۆنتی و ئەلۆنسۆ و گواردیۆلا و سکالۆنی و گاسپرینی کێبڕکێکاری باشترین راهێنەری ساڵن.
وە لەسەر ئاستی کێبڕکێکاران بۆ باشترین یانەی جیهانیش، ریاڵ مەدرید و جیرۆنای ئیسپانی و لیڤەرکوزن و دۆرتمۆدنی ئەڵمانی، لەگەڵ مان سیتی ئینگلیزی وەک پاڵێوراوی کۆتایی دیاریکراون.
وا بڕیارە لە 28ی مانگی 10 لە ئاهەنگێکدا براوەکانی باڵۆندۆر ئاشکرا بکرێن.
AM:09:53:05/09/2024
ئهم بابهته 304
جار خوێنراوهتهوه