پیپ گواردیۆلا لە پاش ماوەیەکی زۆر لە کۆتایی ئەم وەرزە دەست لە پۆستی ڕاهێنەرایەتی مەنچستەر سیتی دەکێشێتەوە و ئەو یانەیە جێدەهێڵێت. 

ڕۆژنامەی دەیلی مەیلی دوور لە چاوەڕوانییەکان ئەوەی ئاشکرا کرد کە پیپ گواردیۆلا دەیەوێت ئەم وەرزە وەک دواین وەرزی خۆی لە مانچستەر سیتی کۆتایی پێبهێنێت و یانەی مانچستەر سیتی جێدەهێڵێت. 

دواتر چەند سەرچاوەیەکی تری ئینگلتەرا هەواڵەکەیان بڵاوکردەوە و ئاماژەیان بەوە کرد کە گواردیۆلا لە پاش دە ساڵ ڕاهێنەرایەتی و لە پاش بەدەستهێنانی چەندین نازناو و دروستکردنی سەردەمێکی زێڕێن بۆ یانە شین پۆشەکەی مانچستەر ئەو یانەیە بە جێدەهێڵێت. 

سەرچاوەکان ئەوەشیان ئاشکرا کردووە کە یانەکە دەیانەوێت کۆتا یاری یانەکە ئاهەنگێکی ماڵئاوایی گەورە و شایستە بۆ گواردیۆلا ساز بکەن. 

لە ئێستادا دەنگۆی ئەوە هەیە کە لە پاش ڕۆشتنی گواردیۆلا، مارێسکای یاریدەدەری پێشووی گواردیۆلا و ڕاهێنەری پێشووی چێڵسی جێگای گواردیۆلا دەگرێتەوە. 

AM:10:35:19/05/2026

ئه‌م بابه‌ته 316 جار خوێنراوه‌ته‌وه‌‌