دیۆگۆ سیمیۆنی ڕاهێنەری ئەتلەتیکۆ مەدرید"ئێمە هەموو هەوڵێکی خۆماندا و شانازی بە یاریزانەکانمەوە دەکەم وە هەست بە ئارامی دەکەم". 

لە پاش ئەوەی ئەتلەتیکۆ مەدرید بە ئەرسناڵ دۆڕا و کرایە دەرەوەی چامپیۆنسلیگ، دیۆگۆ سیمیۆپنی ڕاهێنەری ئەتلەتیکۆ مەدرید وتی، من هەست بە ئارامی دەکەم لەبەر ئەوەی هەموو هەوڵێکی خۆماندا، بەڵام کرانە دەرەوەی ئێمە مانای ئەوەیە کە یانەی ڕکابەرمان شایەنی بردنەوە و چوونە کۆتایی بووە". 

سیمیۆنی وتیشی ئێمە هەلی زۆرمان لەدەستدا بە تایبەت لە یاری یەکەمدا هەر ئەوکات دەمانتوانی بردنەوە بەدەستبهێنین و وا بکەین ئەو یارییە کاریگەری باش لەسەر یارییەکەی ئەمشەویش دابنێت". 

ڕاهێنەرەکە لە درێژەی قسەکانیدا وتیشی،"ئێمە توانیمان ئاستێکی بەرزی لە سەرجەم پاڵەوانییەتییەکە پێشکەش بکەین وەک ئەزانن لە قۆناغی پێشوودا بەربەستی بارشەلۆنامان بڕی و یارییەکی زۆر نموونەییمان بەرامبەر ئەو یانەیە ئەنجامدا".

لە کۆتایی قسەکانیدا سیمیۆنی وتی،"نامەوێت باسی هەڵكەی ناوبژیوان بکەم و ئەو بابەتە بکەم چوونکە ناموێت هیچ بیانویەک بۆ دۆڕانەکەمان بهێنمەوە". 

AM:11:52:06/05/2026

ئه‌م بابه‌ته 64 جار خوێنراوه‌ته‌وه‌‌