لە چامپیۆنسلیگ، یانەی ئەتلەتیکۆ مەدرید و ئەرسناڵ
بە ئەنجامی گۆڵێک بۆ هەر لایەکیان یەکسان بوون و یاریگای ئیمارات دەبێتە خاڵی
یەکلاکەرەوەی یارییەکەیان
شەوی ڕابردوو لە چوارچێوەی قۆناغی پێش کۆتایی
چامپیۆنسلیگ و لە یاری چووندا، ئەتلەتیکۆ مەدرید لە یاریگای میترۆپۆلیتانۆی تایبەت
بە خۆی میوانداری ئەرسناڵی کرد.
لە سەرەتاکانی یارییەکەوە ساردوو سڕییەکی زۆر
بەدی دەکرا و هەردوولا بە وریاییەکی زۆرەوە مامەڵەیان دەکرد، تا لە دواین
خولەکەکانی ئەو تایمەدا ناوبژیوان لێدانێکی سزای بۆ ئەرسناڵ هەژمار کرد و گیۆکرێش
بە سەرکەوتوانە توانی گۆڵی یەکەمی ئەرسناڵی پێ تۆمار بکات و ئەو تایمە بەو تاکە
گۆڵە کۆتایی هات.
لە تایمی دووەمدا کوڕانی دیۆگۆ سیمیۆنی باشتر
دەرکەوتن و هەوڵی یەکسانکردنەوەی ئەنجامەکەیان دەدا، تاوەکو ناوبژیوان لێدانێکی
سزای هەژمار کرد بەڵام ئەمجارەیان لە سوودی ئەتلەتیکۆ مەدرید و ئەوەبوو لە خولەکی 56دا ئەلڤارێز بە سەرکەوتووی گۆڵی یەکەم و
یەکسانی تۆمار کرد و تا کۆتایی یارییەکە بەو ئەنجامە مایەوە.
سەرەنجام یارییەکە بە ئەنجامی گۆڵێک بۆ هەر
لایەکیان کۆتایی هات و یاری گەڕانەوە دەبێتە خاڵی یەکلا کەرەوەی ئەو یانەیەی
دەگاتە یاری کۆتایی کە بڕیارە لە 5ی مانگی داهاتوودا بەڕێوەبچێت.