لە یاریەکەی ڕیاڵ مەدرید بەرامبەر ئۆساسۆنا، ئەستێرەیەکی یانەکە توشی پێکان بووە و یاریزانەکە بۆ ماوەیەکی درێژ لە یاریکردن دادەبڕێت. 

شەوی ڕابردوو دانی سیبایۆسی ناوەڕاستکاری یانەکە سەرەڕای ئەوە لە خولەکی 82 ی یارییەکەیان بەرامبەر ئۆساسۆنا بەژداری کرد بەڵام توشی پێکان بووە لە ماسولکەکانی قاچی ڕاستیدا و یاریزانەکە بۆ ماوەیەکی درێژ لە یاریگاکان دادەبڕێت. 

ئەمڕۆ بە فەرمی پزیشکەکانی یانەکە ڕایانگەیاند کە سیبایۆس پێکانەکەی قورسە و ماسولەکەکانی قاچی ڕاستی دڕاوە، هەر بۆیە ماوەیەکی درێژ و بە نزیکەی دوو مانگێک لە یاریگاکان دوور دەکەوێتەوە. 

سیبایۆس بە هۆی پێکانەکەیەوە بێبەش دەبێت لە یارییەکانی یانەکەی بەرامبەر هەر یەکە لە یانەکانی ( بەنفیکا، خیتافی، سێڵتاڤیگۆ، ئێڵچێ، ئەتلەتیکۆ مەدرید، ڕیاڵ مایۆرکا، جیرۆنا، ئەلاڤێس، بیتیس ). 

PM:04:50:22/02/2026

ئه‌م بابه‌ته 220 جار خوێنراوه‌ته‌وه‌‌