لێدوانی هەردوو ڕاهێنەرەکە لە پێش ڕووبەڕووبونەوەی بارشەلۆنا و ڕیاڵ مەدرید لە یاری کۆتایی جامی سۆپەری ئیسپانیا. 

لە کۆنگرەی ڕۆژنامەوانییەکانی پێش یارییەکە، هەردوو ڕاهێنەر چابی ئەڵۆنسۆ و هانسی فلیک لێدوانی جیاوازیان دا. 

چابی ئەڵۆنسۆ لە کۆنگرەکەیدا وتی، "بارودۆخی ئيمباپێ زۆر باشترە و بیرۆکەمان ئەوەبوو کە قورسە بتوانێت بەرامبەر ئەتلەتیکۆ مەدرید یاری بکات هەر بۆیە ویستمان پەلە نەکەین و لە دوای یاری ئەتلەتیکۆ بڕیار بدەین لەسەر بەژداری کردن یان نەکردنی لە یاری کۆتایدا" ڕاهێنەرەکەی ڕیاڵ مەدرید درێژەی بەقسەکانیدا و وتی،'' سبەینێ ئەگەری ڕوودانی هەموو شتێک هەیە بۆیە دەبێت سەرنجێکی باش و ورد بخەینە سەر یارییەکە، ئێمە بۆ بردنەوە هاتووین و متمانەشمان زۆرە بە خۆمان''.  دەربارەی بارودۆخی ڤینیسۆس پرسیاریان لە ئەڵۆنسۆ کرد، ئەویش لە وەڵامدا وتی، ڤینیسۆس یاریزانێکی دڵسۆزە، پێویستە لێی نزیک بین، هەر بۆیە هاوڕێکانی و ستافی ڕاهێنەران پاڵپشتی تەواوی دەکەن، وە تەنها پێویستی بە کاتە''.

هەرچی هانسی فلیکە لە کۆنگرە ڕۆژنامەوانییەکەیدا وتی،'' پێموایە هەموان ئەوە بەرز دەنرخێنن کە لە قۆناغی پێس کۆتایی بە ئەنجامی گەورە بردنەوەمان بەدەستهێناوە و ئێستا لە یاری کۆتایین بۆ ڕووبەڕووبونەوەی ڕیاڵ مەدرید''.  ڕاهێنەرە ئەڵمانییەکە هاندەرانی بارشەلۆننای دڵخۆشکرد و وتی،'' لامین یاماڵ بارودۆخی باشە و بەتەواوی ئامادەیە بۆ کلاسیکۆ''.  هانسی فلیک ئاماژەشی بەوەکرد '' ڕیاڵ مەدرید یانەیەکی باشە و یاریزانەکان و پێکهاتەکەیان پێکهاتووە لە چەند یاریزانێکی گرنگ و کوالێت بەرز، بەڵام سەرنجی تەواوی من لەسەر تیپەکەم و یارییەکەیە بە گشتی، لە یاری کۆتایشدا هەمووان دەیانەوێت بردنەوە بەدەستبهێنن ، هەر بۆیە لەوە دڵنیام کە ئەوانیش خوێندنەوەی باش بۆ یارییەکە دەکەن و ئەرکمان ئاسان نابێت''.

بڕیارە ئەمشەو یارییەکە لە کاتژمێر 10:00 ی شەو بە کاتی هەرێمی کوردستان بەڕێوە بچێت. 

PM:12:22:11/01/2026

ئه‌م بابه‌ته 488 جار خوێنراوه‌ته‌وه‌‌