بارشەلۆنا و ڕیاڵ مەدرید شەڕ بۆ بردنەوەی جامی سۆپەری ئیسپانیا دەکەن.

بڕیارە ئەمشەو لە شاری جددەی سعودییە، لە یاری کۆتایی جامی سۆپەری ئیسپانیا یانەی بارشەلۆنا و ڕیاڵ مەدرید ڕووبەڕووی یەکببنەوە. 

هەردوو یانە شەڕ بۆ بەدەستهێنانی نازناوەکە دەکەن، بارشەلۆنا دەیەوێت بۆ دووەم ساڵی لەسەر یەک و 16 یەمین جار لە مێژوودا نازناوەکە بەدەستبهێنێت، هەرچی ڕیاڵ مەدریدیشە دەیەوێت هەقی ساڵی پار بکاتەوە و 14 یەمین نازناوی سۆپەری ئیسپانیا بەدەستبهێنێت. 

بارشەلۆنا لە قۆناغی پێش کۆتایی توانی بە ئەنجامێکی گەورە لە ئەتلەتیک بلباو بەريتەوە و بگاتە یاری کۆتایی، هەرچی ڕیاڵ مەدریدە لەو قۆناغەدا بە زەحمەت لە ئەتلەتیکۆ مەدریدی بردەوە و گەیشتە کۆتای جامەکە. 

ساڵی ڕابردوو لە هەمان جام و لە یاری کۆتاییدا،  هەردوو یانەی بارشەلۆنا و ڕیاڵ مەدرید ڕووبەڕووی یەکتر بوونەوە و  بارشەلۆنا بە ئەنجامی 5-2 توانی لە ڕیاڵ مەدریدی بردەوە و جامەکەی بەدەستهێنا. 

لە مێژوودا هەردوو یانەکە 262 یارییان بەیەکەوە ئەنجام داوە، لەو ژمارە یارییەدا ڕیاڵ مەدرید لە 107 یاریدا بووە و بارشەلۆناش لە 104 یاریدا براوە بووە و لە 51 یاریشدا یەکسان بوون. 

AM:11:53:11/01/2026

ئه‌م بابه‌ته 404 جار خوێنراوه‌ته‌وه‌‌