پێرێز ڕەزامەندی یۆرگن کڵۆپی وەرگرتووە بۆ ئەوەی ببێتە ڕاهێنەری داهاتووی یانەکەی . 

بە گوێرەی چەند سەرچاوەیەکی ئیسپانی، فلۆڕێنتینۆ پێرێزی سەرۆکی یانەی ڕیاڵ مەدرید توانیویەتی یۆرگن کڵۆپی ڕاهێنەر ڕازی بکات کە پۆستی ڕاهێنەرایەتی یانەکەی وەر بگرێت لە ئەگەری دوورخستنەوەی چابی ئەڵۆنسۆ و تەنانەت بەڵێنی ئەنجامدانی چەند گرێبەستێکیشی پێدراوە بە ویستی ڕاهێنەرە ئەڵمانییەکە لە ئەگەری هاتنی بۆ یانەی شاهانە . 

لە ماوەکانی ڕابردوودا بەهۆی ئەنجامە خراپەکانی ڕیاڵمەدرید، داهاتووی چابی ئەڵۆنسۆ بە نادیاری ماوەتەوە و زۆرێک لە شارەزایان پێیان وایە ئەڵۆنسۆ دواساتەکانی لەگەڵ ڕیاڵ مەدرید بەسەر دەبات و ئیدارەی یانەکەش بە ئەنجامی یانەکە دڵخپش نین و دەیانەوێت بە زووترین کات چارەسەرێک بۆ ئەنجامە خراپەکان و دۆخی نا هەمواری یانەکە بدۆزنەوە. 

یۆرگن کڵۆپ لە پێشتردا ڕاهێنەری لیڤەرپوڵی ئینگلیزی بوو وە پێش ساڵێک یانە ئینگلیزییەکەی بە جێهێشت و ئێستا بێ یانەیە، وە ڕاهێنەرە ئەڵمانییەکە ڕاهێنەری دڵخوازی فلۆرێنتینۆ پێرێزە وەکو ڕاهێنەری داهاتووی یانەی شاهانە. 

PM:03:16:26/12/2025

ئه‌م بابه‌ته 148 جار خوێنراوه‌ته‌وه‌‌