کاتی بەریوەچوونی یارییەکانی سوپەری ئیسپانیا دیاریی کرا
وێستگە سپۆرت-
کاتی بەڕێوەچوونی یارییەکانی جامی سوپەری ئیسپانیا دیاریی کرا.
بڕیارە یارییەکانی جامی سوپەری ئیسپانیا بۆ ساڵی 2026 لە وڵاتی سعودیە و لە شاری جددە بە بەشداری چوار یانە بەڕێوە بچێت.
لەوبارەیەوە یەکێتی تۆپی پێی ئیسپانیا بڵاوی کردەوە، لە سەرەتای ساڵی داهاتوو یارییەکانی سوپەری ئیسپانیا ئەنجام دەدرێت و سەرجەم یارییەکانیش کاتژمێر 9 دەبێت بە کاتی کوردستان.
یەکێتییەکە ئەوەش دەخاتە روو، یەکەم ڕووبەڕووبوونەوە لە نێوان یانەی بەرشەلۆنە و ئەتلەتیک بیلباو دەبێت کە یارییەکە لە حەوتی مانگی یەکدا بەڕێوە دەچێت، هەرچی یاریی دووەمیشە ڕۆژیک دواتر و لە هەشتی مانگدا لە نێوان ڕیاڵ مەدرید و ئەتلەتیکۆ مەدریدا ئەنجام دەدرێت، براوەی هەر یارییەکیشیتان ڕاستەوخۆ دەگاتە یاریی کۆتایی و یاریی کۆتایش لە 11ی هەمان مانگدا لە جددە دەبێت.
شایەنی باسە جامی سوپەری 2025 یانەی بەرشەلۆنە توانی لە یاریی کۆتایدا بە ئەنجامی 5-2 لە یانەی ڕیاڵ مەدرید بباتە و نازناوی پاڵەوانێتییەکە لە وڵاتی سعودییە بەرز بکاتەوە.
PM:06:54:07/10/2025
ئه‌م بابه‌ته 292
جار خوێنراوه‌ته‌وه