راشفۆرد بە باشترین یاریزانی هەفتەی چامپیۆنز لیگ دیاریکرا
وێستگە سپۆرت-
مارکۆس راشفۆرد بە باشترین یاریزانی هەفتەی چامپیۆنز لیگ دیاریکرا و خەڵاتەکەی بەدەستهێنا.
پێگەی یەکێتی تۆپی پێی ئەوروپا ناوی چوار یاریزانی بڵاوکردەوە کە پاڵێوراون بۆ ئەوەی ببنە باشترین یاریزانی هەفتە.
دوای دەنگدانی هاندەران، پێگەی یوفا ئاشكرایکرد، مارکۆس راشفۆردی ئەستێرەی ئینگلیزی و هێرشبەری یانەی بەرشەلۆنە بە باشترین یاریزانی هەفتەی چامپیۆنز لیگ دیاریکراوە.
راشفۆرد لە یاریی یانەکەی بەرامبەر نیوکاسل یونایتد دوو گۆڵی نایابی تۆمارکرد کە ئەوەش بووە هۆکاری ئەوەی یانەکەی بردنەوە بەدەستبهێنێت و ببێتە خاوەنی سێ خاڵی گرنگ.
هێرشبەرەکەی بەرشەلۆنە کێبڕکێی خەڵاتی باشترین یاریزانی هەفتەی لە هەریەکە لە دوسان ڤلاهۆڤیچی هێرشبەری یۆڤانتۆس و مارکۆس تورامی ئینتەر میلان و ترینکاوی یاریزانی سپۆرتینگ بردەوە.
PM:07:21:19/09/2025
ئه‌م بابه‌ته 232
جار خوێنراوه‌ته‌وه