ئارسیناڵ هەوڵى گواستنەوەى نیکۆ ویلیامز دەدات
وێستگە سپۆرت-
یانەى ئارسناڵى لەندەنى ئامادەیە مەرجی هەڵوەشاندنەوەی گرێبەستەکەی ولیامز بداتە ئەتلەتیک بلباو.
ئێل ناسیۆناڵ بڵاویکردووەتەوە ئاستی نیکۆ ولیامز بووەتە جێگەی سەرنجی زۆرێک لە یانە گەورەکانی ئەوروپا و لەچەندین خولی جیهانەوە هەوڵی گواستنەوەی دەدرێت.
سەرچاوەکە بڵاویکردووەتەوە یانەی ئارسناڵ لەسەرداوای ئارتێتا بەجدی هەوڵی گواستنەوەی ئەو ئەستێرە ئیسپانییە دەدەن و ئامادەیە لە هاوینی داهاتوودا مەرجی هەڵوەشاندنەوەی گرێبەستەکەی نیکۆ بداتە بلباو کە بڕەکەی 42 ملیۆن پاوەندە.
گرێبەستی یاریزانەکە لەگەڵ ئەتلەتیک بلباو لە هاوینی ساڵی 2027 کۆتایی پێدێت و تاوەکوو ئێستا هیچ ئاماژەیەک نییە بۆ نوێ کردنەوەی ماوەکەی و هەڵوێستی یانە باسکییەکەش ڕوننیە سەبارەت بە داهاتووی نیکۆ ولیامز.
AM:11:06:27/01/2025
ئه‌م بابه‌ته 248
جار خوێنراوه‌ته‌وه